حديث فلاحي رعواني بالضرورة فانا داخل سوق الفلاحين بلاش ...هذيكة ... هل يمكن لتونس ان تنتج كفايتها من الحبوب ولا تستورد ما تاكل ؟ اجابتي (الرعواني ) هي نعم جداااااااااا (بصوت هذاكا) ... قولي كيفاش يا ابو العريف ؟
اولا عندنا مساحات زراعية تسمح بذلك في الشمال لكن في السنوات الاخيرة ونتيجة سياسة الدولة في تسعير الحبوب مع تأخير في خلاص الفلاحين ...مال كثيرون الى زراعة القرط عوض الحبوب (وهذا ساعد في تربية الماشية اي انتاج اللحوم وقلل من انتاج الحبوب) لان القرط يخلص في المزرع ...(ما تخرج كميونة القرط الا ما تكح الصوارد ) ومال فلاحون الى الاشجار المثمرة (من الزيتونة حتى لحب الملوك ) لان مردودها في السوق لا يمر بالدولة ولا ديوان الحبوب ولا التعاضدية ..خاصة في المساحات الصغيرة فضلا على ان بعض الاشجار غير متطلبة للرعاية مثل اللوز والتين وحتى الهندي الاملس ... نقصت المساحات المخصصة للحبوب .
(هاني ما تحدثتش على الاراضي المملوكة للدولة في ما يسمى بالضيعات العمومية ).
وهناك سبب اخر ...يصعب تذليله لكنه غير مستحيل …
اراضي الجنوب (من بوزيد للبرمة ) خصبة لكنها عطشى ..وهي اراض بور لغياب انظمة الري ..وهذه الاراضي مملوكة لعروش وقبائل و امورها على الورق مفرعسة ...والدخول اليها يحل حروب اهلية والدولة تتذرع بادخار الماء الجوفي للأجيال القادمة والجيل الحالي جعان …
استخراج الماء المملوك قانونا للدولة ممكن باجتهاد قانوني بسيط وبناء انظمة ري ممكن في ظل تكنولوجيا بسيطة متاحة في تونس ..
اراضي الجنوب المروية (مع شوية مطر ربانية يمكن ان تاتي في وقت غير متوقع) يمكن ان تساعد( خاصة في زراعة الشعير) ... الشعير اقل تطلبا للماء من القموح (على الاقل لإنتاج البيرة وعلف الهوايش و تخصيص مزارع الشمال للقمح ).
زعمة ممكن ؟
نعم ممكن جدااااااااااااااااا ...انا هكة نشوف ... شوف صاحبي العالم الذي يتهمني بالتجلطيم الفلاحي :
انت تخصص اموالا كثيرة لدعم السياحة في اوقات الازمات ...والسياحة ديمة في ازمة الحقيقة ...لو توجه دعم السياحة لدعم الفلاحة بتخصص تمويلات لبناء انظمة ري وتترك الباقي على الفلاحين يمكن تلقى مخرج للغذاء ...(وبعدين ترجع للسياحة) (التونسي وقت يشبع يدبر موسم خلاعة ويدفع اكثر من القاوري ويحب يشيخ ).
حرب أكرانيا تقول لك بصوت مرتفع انت جعان ولازمك تنتج مقرونتك وحدك ...اذا لم تسمع هذا النداء فانت كعبة لا في الفلاحة وفي الاقتصاد وفي السياسة …
تتذكروش وقت هاك المرزوقي الازرق المهبول قالك لكم لازم نقوم بعملية مجنونة لتمليك التونسيين ارضهم بورق ازرق ...شهادات ملكية مخصصة و نعيد بناء القرض الفلاحي ... هذا حل ممكن جدا ربما عبقري ..لكن خلينا من الدعاية المرزوقي المهبول خذوا الفكرة وطفوه .
نصف ارض تونس الزراعية غير مهيكل(على الورق) ولا مستصلح (تقنيا) والماء تحت ارجل الفقراء ...يسمعون عنه ولا يستخرج لهم لان الدولة تتدخره لأجيال لم تولد بعد .
باهي يا سميح ...خذ هذه المعلومة الاخيرة .
في نهاية القرن 19 كان مالتوس يتحدث عن نظرية الندرة ومفادها ان موارد الارض اقل من عدد السكان لذلك يز ي من جيبان الذري ...وقتها مالتوس لم يكن يتخيل ان اساليب الزراعة يمكن ان تتطور الى الشكل الذي هي عليه الان …
ايه وبعدين ...؟؟؟
لا بعدين ولا قبلين ما عندك حتى حل الا بإنتاج مقرونتك وحدك وبذراعك وبرشة دموع (ياخي هي عركة ساهلة ).كلما تأخرت في هذا الحل كلما بعت كرامتك لمنتجي الحبوب وتجارها بين الدول....
وانا اش راحلي فيكم ماني الصباح قدمت استقالتي من تونس …
تي انا مقدم على فيزا لمدغشقر غير رئيسها طفاني ...قالك حبوب واستقلال ذاتي و تنمية محلية ودولة تنتج غذاءها ...لا محسوب حتى انتم شعب ...الوباء ليكم ناس موظفين شهارة يحبوا المقرونة بلوش.
نحب نقول حاجة وخائف تتهموني بحاجة لكن هاني باش نقول
لان صور كثيرة هجمت علي من صفحات اصدقاء نقدرهم برشة كلها تظهر مخازن احتكار ..غير قانونية ...مثلا تخزين الماء المعدني في دبو مخصص لللقرط ...او مقرونة في قاراج ...الخ يمكن تكون هذه عمليات احتكار فعلية ...ويجب كسرها فانا في الاخير مثلكم ضحية للاحتكار والمحتكرين الله يدمرهم كلب كلب لكن ثمة حيل تونسية تجري قريبا منكم والدولة والادارة تعمل روحها مش هوني (وكثير منهم اقاربكم واهلكم) .
تعاطي تجارة الجملة ونصف الجملة تخضع لمواصفات فنية عند الترخيص بتعاطيها و ما يجري على الارض هو ان التاجر يتسوغ محلا ويعلنه كمقر وفيه الشروط فاذا رخص له تخلص من الكرية ويتصرف ...(يعديها على الدولة وتراخيصها المعقدة ) ...وتجار التفصيل يمشوا لاي مخزن وياخذوا طلبياتهم ولا يهتمون بالشكل وساعات حتى بتفاصيل الخزن الصحي ...(وهناك الان تقاليد السيارات الدوارة انت اطلب بالتلفون وتاجر الجملة بعثلك لمحلك ويتكفل بالنقل ).
والان في الحملة الزقفونية يكفي ان ( يصب تاجر بزميل له ليبيلكه ويقضي عليه) وهذا زادة تعرفوه ...لو يكشف المبلغون ستقوم حرب اهلية ...وهناك حيل اخرى منها ما لا يضر بالسوق .
مثلا خزن المياه المعدنية يكون فى الشتاء في انتظار الصيف لان معامل الماء تواصل الانتاج بكميات لا يقبلها السوق في الشتاء فتخفض قليلا في السعر و يقوم تجار الماء بالخزن فيي انتظار الصيف والمعمل لا يتوقف ..وهذا لصالح عماله اولا ..وخزن الماء مش معقد المهم ان لا تعرض للشمس فاذا كان المخزن فيه ماء وقرط يظهرلي مش فضيحة ربما العكس …
علاش نتعب في روحي ونكتب في ها الترهات …
لأني ما نحبش اصحابي يرددوا ترهات الزقافنة متاع مقاومة احتكار بصور مصنوعة في اعلام الزقافنة ... ثم احتكار وثمة محتكرين قبل اليوم والى الابد لكن مقاومتهم لا تكون بترويج الصور المصنوعة في اطار دعائي كذاب .
تحروا ولا تجبروني على ضربكم ... راني واعر برشة …