عبد الباري عطوان على شمس يقول ان الصحفيين التوانسة انتقدوني لأني التقيت الرئيس قيس ويقول انه يلتقي دائما الرؤساء ولم يرتكب جريمة ..مريم بلقاضي تقول له ربما غيرة لأن الرئيس لم يلتقيهم ...هذا هو ما يسمى تزييف الوعي وتحريف المعركة …
على حد علمي بعض الصحفيين انتقدوا عبد الباري مش على لقائه مع الرئيس، بل على موقفه السياسي ودعمه لسياسة قيس اللاديمقراطية ودعوته الشعب التونسي للصبر والصحفي ليس هذا دوره ولكن من حقه ان يلتقي من اراد …
شفتو كيفاش يعمل الاعلام باش يلعب بالوعي ؟ ....عبد الباري يحرف الحقيقة : يزيف الخبر : على ماذا انتقدوه ....ومريم تكمل تحليل خبر زائف بالتعليق الحر او السؤال التحفيزي للانحراف بالمشكل : بالكشي غيرة لأن الرئيس لا يلتقي بالإعلاميين التوانسة ؟ ..انتهى تم توجيه عقل السامع ..نجحت العملية ...يولي المشكل في ذهن المتلقي : ايه عاد شبيه ..علاش تسبو فيه كي قابل الرئيس ...ماهو صحافي يلزمو يقابل الجميع …
تم نسيان الخبر الحقيقي : صحفي عربي يساند انقلابا ويدعو الشعب للصبر على الفقر ...تم قصف الهدف بنجاح .
والله في فرشي قلت نكمل نتبنن الدفء على حوار مريم وعبباري ونكمل نغفي شوية وليت قصيت عليهم الزوز وظاهرلي اكهو باش نقوم توة ...طارت النعسة نهائيا …
اقسم بالله ماينا هالاعلام كيفاش تلاعب بعقول العباد ...مهارة رهيبة ...انا نقول مدربين ..ايه ايه دورات تدريبية ...معروفة الامور في المطابخ الداخلية للإعلام ..شيء غريب والله ...نبدا نسمع فيهم في نص النهار ..ماني ساعة ساعة نحط وذني لبلاتوات القايلة ..يا خويا بدعة ... السؤال كيفاش يتركب ويخرج الموضوع الحقيقي من سياق الى سياق اخر غالط وهاكا السياسي الضيف المسكين خصوصا عاد كي يبدا من جماعة معارضة الانقلاب وخصوصا نهضة يطيح في الفخ ويهزوه للحيييييط …
هو راهو ما فيها شيء ...يكفي يبدا عندك ريفلاكس و تقوللهم سؤالك غالط هات نعاودو نطرحوه وتعاود تطرحو انت وتشد صحيح كيف ما تعمللهم عبير وتسكتهم و تصر انك تمشي للمشكل الحقيقي وقتها يطيح كل شيء في الماء وتفركلو سرديته وتولي انت المتحكم في الحوار ....اما وينو الي يفيق وينجمها العملية هذه ....قليل الحقيقة .....
يا خويا عشرة سنين نقرعلهم الي عملوه يتقرى في اكبر الجامعات : كيف تعصف بثورة و تزيف وعيا شعبيا كاملا بمذيع وزوز كرونيكورات وما قدامك كان ميكروفون اذاعة ودبوزة ماء صغيرة .؟ ..