لا أحد يستطيع فهم او تفهم غضب السياسيين و المحللين و المنظرين و الاعلاميين و المتثقفين و الحزبيين (خلينا من الروبوتات و البنغاليين )من مساندي اجراءات 25 جويلية..غضبهم من معارضي هذه الاجراءات التي يعتبرونها انقلابا على الدستور و الشرعية و أنا منهم .
السادة و السيدات متاع 25 علاش ما عملوش حاجة اخرى غير سبان خصومهم ؟
هل تجاوزت معارضتنا حدود القول و التعبير عن الرأي ؟ هل عطلنا مسار الاجراءات ؟ لماذا لا يواصل الرئيس و مساندوه مسار الاجراءات فيعلقون العمل بالدستور و يحلون البرلمان و يعينون حكومة او مسيرا اول لها و يتجهون الى تنظيم مؤقت للسلط بالمراسيم و يغيرون النظام السياسي و يتفرغون لإيقاف الفاسدين و المعارضين و يتجهون الى اصلاح الاقتصاد و تلبية طلبات الناس الاجتماعية ؟
لماذا يتفرغ الرئيس و مساندوه فقط للعن معارضي الاجراءات كلما ابدوا رأيا في هذا الاتجاه ؟ لماذا لا يساعده مساندوه باقتراحات و تطوع للعمل معه و مساندة له بالفكرة و العمل ؟ علاش متفرغين كان للسبان ؟مرة مرزوقي و مرة حمة و مرة الشابي و مرة بن عاشور …كل نهار شادين حد يفرغو فيه في قلوبهم …بلاتواتهم و ستاتواتهم و تصريحاتهم بكلها خطاب الضد …
اش نعملو باش يواصلو انقلابهم و يعملو الي بحبو في البلاد ؟ نخرجو منها ؟ نسكتو ؟ نبايعو ؟ …قولولنا اش نعملو باش انتم تعملو حاجة اخرى بخلاف سبان خصومكم ؟ هاهي البلاد عندكم شكون عرضلكم ؟ ما ثماش حاجة اخرى عندكم غير السبان ؟ تي احكمو …فتقو امها من بعضها و ابنوها من جديد …شكون وقف في طريقكم ؟