بعثلولي sms... يطلبو فيا باش نشارك في الاستشارة. هذا المشروع السياسي الشخصي الشمولي الرجعي ... للملهم العظيم... المنقلب على الدستور..
قلة حياء... ياخي آنا كيفهم انقلابي وشمولي... وزيد فاسد كيفهم.. باش يشركوني معاهم في الإنقلاب؟ خاطر.. لعلمكم... يبداشي سومو ال sms مليم... هذا سرقة من فلوس الدولة...وفساد كبير...بما انهم يعملو فيه على نطاق واسع...لكل التليفونات كيف ما جاني آنا..
عندهم ميزانية الدولة رزق السيد الوالد... اكثر من بن علي إلي كان يحترم على الأقل الشكليات... ويصرف من السرقات من ال 2626..أو للمشاريع الرئاسية بابتزاز رجال الأعمال والشركات..
هاذم طلعو اكثر منو جيعانين..يسرقو طول من ميزانية الدولة يا بوڨلب. وتنطبق عليهم على الأقل جناية الفصل 96 إلي تحاكمو بيها الطرابلسية وازلام بن علي الفاسدين بعد الثورة .. وذلك ضد كل من آذنو بالسرقة هاذي من ميزانية الدولة... وكل من شاركهم في الجريمة ونفذها …
وباش تتعمل فيهم دوسيات قضائية.. ويرجعو فلوس الدولة من املاكهم متضامنين...علاوة على الأحكام الجزائية.. وش معحبهم في الدهر كان طولو... وشيئ ما يدوم... ولوكان دامت للي قبلهم... راهم موش في الصورة اليوم…