توا كي انتي تعمل انقلاب على دستور التوانسة...وتحتكر كل السلطات...وما تخلي شيئ لغيرك...ولكلها تخدم بتعليماتك المباشرة وغير المباشرة.. ووقت الدولة هي إلي وحدها تستورد الفارينة...متاع الباقات بو ميتين مليم...الأكلة الأساسية للشعب الذي يريد...هههه… ووقت دينار يوكل عايلة...عايشة بالسميق أوالسماق...او بالشيخوخة... أو بالإعانات الاجتماعية..أو بجرناطة خدام حزام نهار موجودة ونهار غير موجودة...يعني العايلات المصنفة تحت خط مستوى الفقر من مختلف المناطق... ووقت هؤلاء جميعا يعدون بالملايين…
ووقت أصبحنا نشوفو كل يوم صفوف طوال... وكل يوم أطول ملي سبقوه... أمام المخابز...لشح الباقات الشعبية...لنقص الفارينة المستوردة...ولعدم خلاص الدولة للمستحقات المحمولة عليها للمخابز في إطار دعم المواد الأساسية للشعب الذي يريد...وهذا ينبئ بافلاس العديد منها !! والمؤشرات الإقتصادية والمالية تقولل أن الفازات هاذي...على الدزة هاذي...باش تزيد تتفاقم.. كل يوم أكثر…
والفازة هاذي راهي تحصل لأول مرة منذ الثورة...لأنها ما صارتش قبل في عشرية "الخراب"... وهذا خلافا لأراجيف إلي روجو الدعاية الخشبية هاذي...وهي تشبه لما لهم في طاست مخهم من فكر تخريبي شمولي فاسد... وخلافا للي اندعاووه من ساندو الإنقلاب... وللي اندعاو أنو إجراءات تسحيحية وكذا...هههه....
وقت الأمور واضحة ملول على أنها إجراءات استبدادية واجتماعية تجويعية...وهذا بينته في الواقع سياسة عامين منذ الإنقلاب... لكن الجماعة هاذم ما زالو عاملين فيها بكل صحة رقعة.. موش شايفين يابوقلب...وخاطيهم... وقت هوما مشاركين سياسيا في التجويع...هههه …
لان هؤلاء جميعا...لهم مسؤولية سياسية وأخلاقية في ما وصلنا إليه اليوم...من تجويع لتلك الفئات الإجتماعية العريضة الموجودة في أسفل السلم الإجتماعي...لعدم معارضة الانقلاب منذ 25 ..بل وخاصة بإيجاد التبريرات التافهة سياسيا له...كيف ما هو موجود في طاست أمخاخهم من ترهات...هههه …
خاطر وكي تجي تحل الصرة... تلقاهم محوفينها الأفكار هاكي...من حيوط التنظيرات الشمولية وغير المواطنية..... وهذا لإقناع العوام الذين يتصرفون كرعايا ولا كمواطنين بها...ولمزيد تصطيك المصطك منهم...كيف تصطيكتهم البقري..إلي عاونت بالكلام...المخرب على التخريب!!
عاد نرجعو لموضوعنا بعد هذا الاستطراد على هؤلاء السياسويين المرضى بأحقادهم على خصومهم السياسيين...ولم تعد لهم بوصلة لا سياسية...ولا بالتمسك بمكاسب الثورة في الحرية...ولا حتى بوصلة اجتماعية... والدليل سكوتهم اليوم على تجويع الشعب من طرف المنقلب على الدستور!!!
وهذه من قبيل الخيانات العظمى لتلك الفئات الشعبية التي يدعون الدفاع عنها!! فلا تعنيهم مكتسبات الثورة...التي لم يناضل من أجلها أغلبهم ضد استبداد بن علي...ولم يعد يعنيهم حتى تجويع الشعب الذي يريد طيلة سنتين من الخراب الإجتماعي أمام فارينتهم للمنقلب على الدستور!!! فهذا يعني... أنك انت يا هتظاكا... أيها الملهم العظيم..هههه … أنك إنتي شخصيا...مسؤول على تجويع الشعب...هههه …
بما انك نصبت روحك وحدك...الدولة ومندراك...ورجعتها ممثلة في شخصك لا غير...وانتي وحدك الناطق الفاتق فيها... وإلي ما ينفذش تعليماتك من المسؤولين...تنحيه وتعوضو بجرة قلم.. ياخي هذا موش يعني أنك انتي وحدك المسؤول اليوم عن غياب الباقات من السوق... وتجويع تلك الشرائح الإجتماعية الفقيرة؟
شكون فيرك؟
السياسة راهي بالنتائج يا هاظاكا...ولي يتحمل مسؤولية وما يعرفش يسير الأمور...يخليها لغيرو...ويروح... خير ملي يجوع شعب لا يريد... الجوع والتجويع.....والتنكيل بيه... ورد بالك لا تقول في هاذي احتكار وكذا...هههه … خاطر انتي وحدك محتكر توريد الفارينة...هههه …
وخاطر وقتها تتهم نفسك بالإحتكار... هههه … والتنكيل بشعب لا يريد ..هههه… وهذا حتى لو لم يجد خبزه اليومي وخبز أطفاله...من أجل كرسيك الزائل ...لا محالة...وعن قريب انشالله..