إلي هذا عامل فيها طز حكمة...وعامللنا دستورو الشخصي يفيش بيه . تلقاهم أساتذة في القانون الدستوري...أو يطشو طشان فيه... ويندعيو انهم ديمقراطيين...وما يعرفوش انو الدستور الديمقراطي في العصر الحديث...هو عقد اجتماعي بين القوى الوسطية في المجتمع... يوافق عليه الشعب عن طريق الإستفتاء او عن طريق ممثليه في مجلس تأسيسي منتخب للغرض..كيف دستور 2014 الديمقراطي.
وإذا كانو دستور منزل من طرف سياسي.. فهو سيكون بالضرورة لحكم طرف على بقية الأطراف الموجودة في المجتمع باسم الشعب... وفي العادة يكون حكم فردي استبدادي يمكن من انتهاك الحقوق المدنية والسياسية..كيف دستور القيسون..
والفرق نوعي.. دستور 2014 ديمقراطي وممكن يتحسن حسب الممارسة بالتنقيح... في حين ان دساتيرهم الشخصية للحكم الفردي غير تشاركية وغير ديمقراطية...ومكانها دائما طال الزمن او قصر.. في مزبلة التاريخ..
البديهيات هاذي عنا برشة طزز حكمة في تونس.. يعرفوها لكنهم يتناساوها.. رغم انهم يندعيو انهم ديمقراطيين. لانهم مفرمتين من وقت بورقيبة على الحكم الفردي للمجاهد الأكبر.. ويغزرو لرواحهم قدوة المجتمع... ولخرين لكلهم حفتريش وما عندهمش دخل في صياغة دستور معاهم لبلادهم وشعبهم... يعني حتى قيم المواطنة البازيك موش داخلة في طاست أمخاخهم..
عاد تلقاهم إلي هذا عاملك دستورو الشخصي.. ويحب يمنحو للشعب... وماشي في بالو نبي زمانو وباش ينزلو عليه... وكأنو عامل مزية على الناس. فبحيث... عنا اليوم دستور القيسون.. ودستور الشيخ بلعيد... ودستور عبير وهي رافضة الإستفتاء خاطر زادة هي عندها دستورها وتحب تعديه وقت تقدر عليه... الخ..
وبربي شكون عندو زادة دستور وما ذكرتوش؟... خلي نعملو مزاد علني. نخاف لا نغلط وننسى بعض ها الأنوات المتورمة.
يا والله أحوال
الحشد كي القرنيطة... وقت تجوع اتدور على صوابعها
اللمبن القيسوني... سيب كل المعارضين للإستفتاء المزور... وصبح اليوم يقشتل ويسب ويخون في المسكين الشيخ بلعيد... بكلام بذيئ من طاست مخهم المعبي بالڨمة.. خاطر عبر على موقفو... وهو حر فيه.. تتفق او تختلف معاه... ناقشو او جادلو بموقف او رأي.. وموش تعتديلو على كرامتو…
ونظف الڨمة إلي في مخك.. قبل ما تحل كابينتك..
هاذيكا بالضبط الممارسة الفاشستية في الأنظمة الإستبدادية الميليشياوية .. إلي يبشركم بيه الدستور الإنقلابي للحكم الفردي الفاسد لا محالة…
وبحيث.... حذاري يا مهفاة... يلي عاملين فيها فاهمين كل شيئ.. وانتم ما فاهمين والو.. وتدعيو للتصويت لدستور الحكم الفردي والمقاصد والآداب العامة...إلي هي موش متاعكم.
هاظوكم هوما الميليشيات متاع العرائض الشعبوية الموجودة في دستورو... للإنقلاب غدوة على الهيئات المنتخبة المستقلة عن زعيمهم المستبد.. وبحيث... فيق يا رفيق... قالك باش يصوت بنعم... ضحكوني.
راك باش يصيرلك غدوة كيف الشيخ بلعيد... ويعاملوك كيف صبع القرنيطة.. لوكان بعد ما عملت الفارينة لدستور المنقلب.. تتمسك بحرية التعبير. وطبعا باش تدخل معاهم في كل الأحوال في مزبلة التاريخ.. كيف إلي دخلو قبلك مع بن علي.