هيئة البوصاع ومسحان البلار المنصبة مقطعة روحها ليامات ... لتسجيل اكثر ما يمكن من التوانسة في السجل الإنتخابي.. ما انجمو كان نقولولها يعطيك الصحة... وربي يثيبك.
لكن الصحيح... هي قاعدة تعمل فيه إطار تزوير السيادة الشعبية... في الإستفتاء على دستور متاع حكم فردي رجعي .
الهيئة المنصبة هاذي غير مستقلة وتطبق في تعليمات المنقلب على الدستور... عن طريق مراسيمه واوامره الشخصية الموجهة إليها مباشرة... في قالب قوانين بعد ما اغتصب السلطة التشريعية لروحو... عن طريق الرائد الرسمي المغتصب هو بيدو .
الهيئة ... تحب تشرك أكثر ما يمكن من التوانسة في الإستفتاء المزور.... لكنها موش فاهمة انها تنقص من نسبة المشاركة في الاستفتاء في علاقة بعدد المسجلين وخصوصا لما تسجل الشباب إلي ما عندو في سوق الدستور ما يذوق... و مشكلتو في الحياة الحرقة.
لأنها تتناسى حاجة أساسية... قد ما يطلع عدد المسجلين... يلزم للقول انو إستفتاء ناجح.... يشاركو في التصويت فيه... على الأقل نصف المسجلين....
خاطر العتبة الواجبة للقول بنجاح الإستفتاء من عدمه هي على الأقل مشاركة نصف المسجلين ..وهذا إلي ما حطوش المنقلب على الدستور في مراسيمه المدبرة بليل.. خاطر خايف منو... ويعرف ما يخلطلوش.
وهيئة تزوير الإستفتاء عاملة فيها ما تعرفوش... ولاّ بهيمة وما تعرفوش.
عاد الوصول لعتبة المشاركة في الاستفتاء… يبطى شوية… بدون تدليس كيف ما عمل بن علي في 2002 … وهيئة البوصاع مازالت تسجل… وتسجل.. وتسجل… واتطلع في العتبة.
فبحيث…. الجهل مصيبة قاعدة تخدم على إفشال الإستفتاء.
موش قلنالكم… انو الفارينة ديما بهيمة.