توا عاد ماو لكلها تعرف ان الملهم العظيم يتأثر بما ينشر في الفايسوك...من طرف التفسيريين...والصبابة...والحوانيت السياسية الشمولية إلي تعمل في الفارينة للإنقلاب... ولكلها تعرف انو برشة قرارات هي صدى لما ينشروه من أراجيف وافتراءات ضد خصومه السياسيين...وخصوصا تلفيق القضايا السياسية…
وكل السياسيين أصبحو يعرفو عن طريق الفايسبوك..شكونهم من خصوم الملهم العظيم...إلي باش تتلفق ليهم ملفات قبل تلفيقها....وثم يقع اختطافهم واعتقالهم بعد ما القضاء أصبح وظيفة وموش سلطة... ولكلها تعرف...أنو ثمة صبابة أصبحو مشهورين...ولا فائدة في ذكرهم...لأن مجرد ذكرهم اعتداء على الذوق العام...والأخلاق.. لكن الصنعة هاذي ما وقفتش عند حد الصبابة هاذم…
هانا أصبحنا اليوم نشوفو في منتحلين لصفة سياسيين...يقلدو فيهم...وفيهم حتى شكون يتكلمو باسم أطراف سياسية شمولية...يفتريو على مناضلين شرسين ضد الاستبداد...من وقت استبداد بورقيبة وبن علي...ويعاديوهم اليوم خاطرهم ضد استبداد اليوم...وقت هوما يعملولو في الفارينة...طمعا في حويجة كيف كل صباب...هههه
عاد الجديد انهم يذكروهم بالأسم...ويلفقولهم في تهم...ثماش ما الملهم العظيم يقرالهم ويجازيهم... هههه …لكنو يبطى شوية والطماع اليوم يبات ساري... كيما قالو أجدادنا..ههه …
عاد هاذم وبما انهم شموليين وما يفهموش في الحقوق والحريات... كانو وقت الإستبداد...متخبيين في المنظمات يجريو على المواقع بتحالفات انتهازية وبدون مواقف...ويتزايدو بالجملة الثورية الي حفظوها من الكتب...وموش ضد بن علي...ولكن لتحرير فلسطين...بالبيانات.. ههه…
وكان البوليس السياسي وقتها مطفيهم ههه...ويضحك عليهم... ويعتبرهم فولكلور التجمعات... وكاراكوزات ما يمثلوش خطر على بن علي...ههه … والدليل؟ ساهل ماهل. .شوفو تلقاوش واحد فيهم تجبد في قضية سياسية وتحصل على عفو عام بعد الثورة...أو كان مفروز أمنيا... وتلقاهم على هذاكا زادة يكرهو العدالة الانتقالية...بما انهم موش مقيدبن عندها...هههه …
عاد يقول القايل علاش نطقت هكة بغش؟
خاطر بلغ السيل الزبى...وخاطر عمرها ما وصلت النذالة السياسية للدرجة هاذي...وقت السياسة أخلاق... ويتحولو سياسيين لصبابة... كيف الخلايق…
ويعرفو أن هذا يمكن يضر بيهم على المستوى الشخصي في حياتهم.. وأنهم موش يناقشو في مواقف وصراع على مواقف وأراء ...كل إنسان حر فيها..ومن حقو يعارضها... وقت هوما يفهمو ويعرفو أن الأراجيف إلي ينشروها ضد مناضلين بالإسم واللقب...لا تختلف عن الصبة المغرضة والمفبركة إلي ينشروها هاك إلي مجرد ذكرهم اعتداء على الذوق العام…
ولذلك أيضا...ما نشرتش اسمهم...رغم أن الكبتير إكران خدام...هههه … خاطر ذكرهم بعد ما اقترفوه...أصبح أيضا إعتداء على الذوق العام.. كيف الخلايق…
وخاطر نعرف أنهم باش يقراو التدوينة...ويموتو بغيضهم...هههه الخلايق الشموليين هاذم...ههه…