حكاية القمر الصناعي التونسي... إلي صنعو شباب تونسي... والمتعلق بانترنات الأشياء...وعلاقتو بالاقتصاد الرقمي...وبصفة عامة مستقبل نمط التنمية المستقبلي في تونس..أشكالو وموضوعاتو... اعتمادا على الموارد البشرية الذاتية للشعب التونسي وعنا منها برشة برشة... والسيادة الرقمية وعلى الأقل الحد من التبعية الرقمية والإقتصادية والمالية.. إلخ ...لوكان تسأل سياسيين توانسة شمعناه وكيفاش وشنوا رأيهم في الميضوع... تو تلقاهم كعبة لا...أو انهم يمرو عليها مر الكرام بكلام فارغ وشعارات...
وتلقاهم ينظرولك على التنمية.... وكأنهم في بداية القرن العشرين... والدليل؟ راجعو خطب كل المترشحين في الانتخابات الرئاسية... ورؤساء القائمات التشريعية في الدورة الفارطة...إلي نجحو... ولي فشلو…
كان تلقاو فيهم واحد ركز على الميضوع واعطاه اهميتو القصوى في التنمية المستقبلية وفسرلنا كيفاش وعلاش... وموش قال شعارات وجمل عرضية هكاكا... هنا وهناك... تو نقدملو نقدي الذاتي... ونعتذرلو…
لكن موش باش تلقاو...
وطبعا مانيش نحكي على السقفوت الجهلوت... إلي يندعيو انهم تقدميين... أو إلي ينتميو لليسار...و صبحو ينبرو على الميضوع... بمناسبة إطلاق القمر الصناعي التونسي المتخصص في لنترنات الأشياء…
شيئ يندي له الجبين...وربي حشمت في بقعتهم... متخلفين حضاريا... وموش عايشين في عصرهم... وسلوكهم يشبه شوية سلوك الدواعش...وموخرين بالتوالي…
وما يقراوش...وما عندهمش المعلومات الصحيحة... وزيد بكل ثقة في النفس عندهم رأي في الميضوع... وأكثر من هكة عاملين فيها يعرفو كل شيئ بالفطرة... في عوض يلوجو على المعلومة.. و يتعلمو…
يا والله أحوال.. كاراكوزات... وعاملين فيها طز حكمة…