ساعة للإعلام..... ياخي تعرفو إلي العبيرة...عندها دستور حكم فردي...أعلنت عليه منذ 2018 ...ووراتو وقتها في تلفزة..لكنها تهربت من الحديث على مضمونه؟ آنا قريتو...هو مشروع دستور على قد قياسها....يشبه لدستور 1959...تقلد بيه في بورقيبة ربي يرحمو في عز انفرادو بالحكم .. هههه …
عاملة فيها تقلد فيه...في عوض تذكرنا في دعايتها الحزبية بفارينتها للمرحوم بن علي...إلي خلقها في السياسة من عدم...لكنها طفاتو بعد ما ثار عليه الشعب وهرب...وما عادش تقول بن علي ما كيفو حد...هههههههه هههههههه … وهذا كيف ما طفات وقت بن علي... المرحوم بورقيبة الي توا اتدور بتصاورو...ولي عمرها ما طلت عليه وهزتلو المورال...وقت كانت في قيادة التجمع...وعرفها بن علي حابسو في المنستير... حتى ربي هز متاعو...هههه …
عاد دستورها العبيريرة عملتو على قد قياسها...تحب تكون حاكمة فردية مستبدة...كيف ما توا تتصرف مع المنخرطين والمسؤولين في حزبها...وعاملتهم رعية عندها....خلي عاد غدوة المواطنين...كان نجحت في مسعاها...هههه هههه… مشروع دستورها يا أكارم..غير جمهوري وغير ديمقراطي... يشبه في الجوهر لدستور الملهم العظيم...لأنو متاع حكم فردي مستبد..هههه …
والعبيريرة كانت تأمل تربح الإنتخابات الرئاسية عام 2019...على أساس دستور الثورة الديمقراطي...باش تنقلب عليه من بعد...بالضبط كيف ما عمل الملهم العظيم...هههه.. لكنو دوبل عليها...وخلاها تلعب في الناشح...ههه هههه هههه …
عاد علاش ذكرت بهذا…
خاطر.بعد ما اعتقل القيسون القيادات الأولى للنهضة...من أجل التعبير...او بملفات فارغة...وهذا استبداد..وموش احترام لقواعد المحاكمة العادلة...كيف ما هو الحال مع بقية القيادات السياسية المعتقلة من أجل التآمر...وزادة بملفات فارغة من اجل اجتماعات خاصة لا يعاقب عليها القانون...(وبين قوسين إلي باش يقلي جماعة النهضة يستاهلو...ولو بالملفات هاذي...نقولو انتي مريض وما تتهزش حتى مقص النار...واغرب من قدامي لا نمزبلك جد والديك...يا منتن بالفكر الشمولي الفاشي الإستئصالي...يا رعية.. يا صطك...وبرا القف روحك...وداوي عن طبيب نفساني...لأنك ماركة جلاد)....هههه …وحطهم في الحبس لإشباع الرغبات السادية لبعض الرعية من الشعب الذي يريد.....وسكرلهم مقراتهم…
ياخي العبيريرة ما عادش ممكن ليها...تمشي تعمل تحركات قدامها...هههه هههه ...القيسون حرمها من ماعون خدمة..هههه … عاد اختنا العبيرة...تلقى روحها...زاد دوبل عليها الملهم العظيم...مرة ثانية...بعد فازة الدستور...حرمها من فازة النهضة...هههه … ونحالها الأصول التجارية إلي كانت تخدم بيهم منذ 2019..وخلاها للمرة الثانية تعوم في الناشح...هههه … عاد... يلزمها تلقى حاجة أخرى...تعملها أصل تجاري...هههه …
ياخي تفكرت شبابها...وقت كانت زلمة عند بن علي...تواجه مع صحافة المجاري متاع وقتها...في تونس ولدى منظمات الأمم المتحدة…فعاليات المجتمع المدني المطالبين بالحقوق والحريات...للشعب الذي يريدها في تونس.. ياخي عاودت طفات الضوء على المرحوم بورقيبة...الأصل التجاري لول... والنهضة الأصل التجاري الثاني...خاطر هذا ما عادش يلعبها اليوم...ههه هههه …
فبحيث... العبيريرة تفكرت شبابها...هههه …
وقررت انها اليوم يلزمها تصفي حساباتها مع إلي كانو ضد استبداد بن علي...ومن أسباب هروبه...وراصتلها من وقتها خارج السلطة تلاجي..وتتحسر على أيام زمان بسببهم....هههه … ولي تعدى وفات وموش باش يرجع....هه هههه … ياخي هاي بداتها تتقبح في نقابة الصحفيين.. الواقفة من اجل حرية التعبير....وحطت اليد في اليد مع القيسون...خاطر هو كي تحي تشوف خلافها معاه موش على الموقف...وإنما على الموقع ههه …
وغدوة زعمة...شكون؟...هههه … وبحيث...ربي يفرج عليها وبرة...هههه هههه …