يا جماعة راهو عيـــــــــــــــب كبير، إلي قاعد يصير! المصداقية راهي سِمة العصر ومركب نجاة الشعوب، من يحق له تقييم علاقة الأحزاب المنتخبة من خلال انتخابات حرة وشفافة ونزيهة، بالصحافة وفي دولة تعتمد الديمقراطية، يجب ان ينتمي الى عالم الانسان الحر المنحاز إلى الشعوب، ولا يحق لشظية في قاع برميل المتفجرات لصاحبها سفاح الشام! ان تدخل في عملية تقييم للديمقراطية التونسية ومكوناتها الرئيسية، وعلاقتها بالصحافة!
يا بغوري راهو عيب تشد الرحال وتقطع الدول والبحار باش تحضى بجلسة مع سفاح العصر قاتل الأطفال باقر بطون النساء مغتصب الصحفيات وقاطع رؤوس الصحفيين، وبعدين ترجع لتونس باش تحكي في حرية الصحافة!!!
يا بغوري راك تحولت الى نطفة عار على ثورة سبعطاش المجيدة! يا بغوري هاو تقرير المنظمات المهتمة بالصحافة في العالم " مراسلون بلا حدود: سوريا في المراتب الأخيرة في حرية الصحافة" يا بغوري راك مشيت تقدم في الولاء لأكبر مجرم في حق الصحافة! يا بغوري راهو الي مشيت تبارك ليه على ذبح شعبو وصورت معاه وكتفت يديك وركزت كالتلميذ مع كلماته، راهو ما عندوش صحافة!
يا بغوري راهي المنظمات الدولية المختصة، سجلت الى حدود 2018 مقتل 435 صحفيا على يد سفاح الشام، يا بغوري راهو عدد الصحفيين السوريين الي قتلهم السفاح أكثر من عدد شهداء الثورة في تونس!!!!! يا البغوري راهو بشار البراميل ترتيبو في حرية الصحافة 174 عالميا وراهو قريب ياسر من ترتيب كم جونغ أون"179" يا بغوري علاش تمشي تمرد لحزب البعث الي ترتيب صحافتو 174 عالميا!
يا بغوري راهي تونس الاولى عربيا في التصنيف العالمي لحرية الصحافة.. يا البغوري راهي تونس تحتل مرتبة 72 بعيدة على المركز الثاني:موريتانيا" بــ 22 نقطة.. يـــــــــــــــــــــا البغوري راهي بينا وبين صحافة بشار الدم 100 وزوج نقاط"102"، راهو السفاح يحتل المركز ما قبل الاخير في الدول العربية.
احشم يــــــــــــــــــــــــــــــــــــــا البغوري..
• احشم يا ري..
• احشم يا موجيرة..
• احشم يا كوال..
• احشم ياقرعة..
احشم يا برميل.. احشم.. احشم، لا عندك لا ديناري ولا برميلة ولا حية ولا حتى كارطة، ولا شكبت كي الناس، ولا حزت لصوص ولا جملت ستوت ولا سبوع.. احشم راو كفك ذبــــــــــــــــــــــان.