استعمال وسائل الإعلام في التعريف بالنواب "النائب المجمّد فلان الفلاني"، حاجة ماسطة وغير مهنية، مفماش حاجة اسمها نائب مجمّد، فما نائب فقط.. وتعليق اختصاصات البرلمان، وهاذي الصيغة القانونية للي صاير، متهزش لوصف نائب بانو "مجمّد" (التعليق يشمل اختصاصات المؤسسة ولا يعدم صفة النائب، مثلا فما نواب بصفتهم هوما أعضاء اليوم في البرلمان العربي أو الإفريقي، تبقى عضويتهم سارية لا مجمّدة ولا شيء).
باقيها المفارقة نفس وسائل الإعلام هاذي كانت شادة في المرزوقي طيلة 3 سنين "الرئيس المؤقت" والحال التسمية مش واردة وقتها في قانون التنظيم المؤقت للسلط العمومية الي استعمل فقط عبارة "رئيس الجمهورية" فقط.
باقيها توا "النائب المجمّد"، وكي يرجع البرلمان، نقولو النائب الذايب أو العائد من جديد؟ للأصدقاء الصحفيين، اعتماد الألفاظ الرسمية يرحمنا ويرحمكم الله، بحيث يمكن تقولو النائب في البرلمان المعلقة اختصاصاته مش النائب المجمّد.. والي عندو شهوة يعملها في الفايسبوك متاعو موش في وسيلة الإعلام.. اللهم عاد إدارة التحرير تحب تسربي الجمهور عايز كده ولإرضاء الريّس، اذيكا حاجة أخرى، متعودين على الهز…