المافيا وأشياء أخرى..

Photo

ثمة حاجة محيرة عمكم الجوادي قدس الله سره ونفع به!

الجميع في تونس اليوم، يتحدثون عن وجود عصابات وأشرار ومافيات تتحكم في البلاد وتقودها إلى الافلاس والهلاك وسوء المصير! هذا الكلام تحدث به السي محسن مرزوق متاع أمريكا وتحدث به خصوم محسن مرزوق وتحدث به البارحة الرحوي متاع الشيوعيين وتحدث به رضا بلحاج متاع الخلافة وتحدث به سمير ديلو متاع قال ربي قال النبي، وتحدث به صديقي سامي الطاهري متاع الإتحاد أكبر قوة في البلاد، كما تحدث به متاع نقابات الأمن ومتاع الاقتصاد..

الخلاصة: كل تونسي تحكي معاه يهزك لتركينة ويلتفت يمينا ويسارا ويبسمل ويحوقل قبل أن يصفعك بما يعتقده سر الأسرار:

-اسمع.. قالك ثمة مافيا في تونس قاعدة تنهب في البلاد وتدعم في الإرهاب، وربي يستر!

وعندما أسأله:

-ومن هو زعيم هذه المافيا حسب رأيك:

-كمال اللطيف و حمة الهمامي، يجيبك إذا كان من خصوم اليسار.. وراشد الغنوشي وقطر إذا كان يكره "الخوانجية" والاخوان.. وتركيا إذا كان قوميا عروبيا! وبالنسبة إلى جارتي المتزوجة حديثا، لا يمكن أن تكون زعيمة المافيا في تونس إلا حماتها! وبالنسبة إلى عم منصور صاحب كشك العسل المغشوش المنتصب فوضويا في أريانة المدينة، زعيم المافيا لن يكون غير رئيس بلدية أريانة شخصيا!

عمكم الجوادي يسألكم: أشكون فيكم شاف أو يعرف أو صادف زعيم أو أحد أفراد المافيا التي يقال إنها تتحكم في البلد؟

Poster commentaire - أضف تعليقا

أي تعليق مسيء خارجا عن حدود الأخلاق ولا علاقة له بالمقال سيتم حذفه
Tout commentaire injurieux et sans rapport avec l'article sera supprimé.

Commentaires - تعليقات
Pas de commentaires - لا توجد تعليقات