جواب وصل للقصر بلاش هوية و فارغ ما فيه حتى شي . يوصل لديوان الرئيس من غير ما يتعدى على حتى فرز ... رئيسة الديوان ظهرت من مهامها بعد اقتراح الوزراء ... و التأكيد على تسميتهم ... حلان الجوابات و قرايتها ....
كيف حلت الجواب الي هو بلاش هوية و فارغ حست بدوخة و فقدت حاسة البصر و السيد الي معاها في المكتب تقلق اما لاباس ......
هذا الكل نحاولو نفهموه و نقتنعو بيه ... صايرة و تصير في بلاد مؤسسة الرئاسة فيها بهذا المستوى من اللامبالاة و انعدام المسؤولية: جواب مجهول يخلط طول حتى لمستشارة الرئيس ، لكن كل هذا كوم و وضع الظرف الي تسبب في هالكارثة في آلة التمزيق كوم !!!!!!
و من بعد ما تقطع الظرف بعثوه لفرقة التحليل و الفحص …. صدقوني لتوة ما فهمت شي !!! ظرف موجه لرئيس الجمهورية و يعمل الكارثة هاذي يتقطع ؟
السيد الي تقلق لكنو لا بأس ما كانش ينجم يحطو في sachet ؟ يقطعو؟ يفتفتو ، و من بعد يلموه و يبعثوه للتحليل ؟ ؟؟؟؟؟؟ هاذم موظفين ساهرين على مصالح البلاد و يسيروا في مؤسسة من أهم مؤسسات الدولة ؟
انا ما استوعبتش الحكاية من اصلها . والي يقلقني أكثر كيفية التعامل متاع الهواة الي يتعاملو بيه موظفين في محيط رئيس الجمهورية . ارقدوا و اطمانو مؤسسة الرئاسة والرئيس بين اياد أمينة.