عندما تتحول مواقع التواصل الاجتماعي الى منصات لكيل الإهاناتٍ والاتّهاماتٍ وللنيلٍ من أعراض الناس. آش قولكم كيف يطلع السيد بريء، لا ارهابي لا شي؟
مواطن تونسي يخدم في مطعم.. كان مروح وقت العملية الإرهابية. السيد هذا عندو عائلة وأولاد وام وبو واخوات واصحاب، تصوروا الغولة الي دخلت فيهم!!!!
سمعتو الي تشوهت والسب الي كلاه... شكون باش يمحيهم من ذاكرتو؟ شكون باش ينسيه في الي عاشو نهار اليوم؟
كل واحد فينا يحط روحو لدقائق في بلاسطو .. اش يكون موقفنا؟ الناس الي سبتوا الكل والسيد طلع بريء، كيفاش باش تطلبوا منو السماح؟ ولا موش مشكل زوالي وموش معروف وبرة تهموه وتشتم وتمرمد. …
يا ناس.. حسوا بالبشر … يا ناس فين ماشين بالإشاعات وبهتك الأعراض والكذب؟ فهموني سمعة الناس ما عادش عندها قيمة؟
شكون المحامي الي يتطوع لرفع قضية على كل من شوه سمعة هذا المواطن التونسي لمجرد صورة وشبهة وخلاه يعدي نهار ازرق. شعب يحكم على المظاهر وما يهموش مواطنين تمشي في العفس.
كمية الكذب والكره والحقد واللامبالاة لمشاعر الناس أصبحت لا تطاق.