الحكاية وما فيها انو صنصرو الكتاب وشمعو فضاء العرض متاع دار النشر لمجرد صورة... اي نعم بسبب غلاف الكتاب اللي فيه صورة كاريكاتورية للزعيم الملهم حامي الحمى…
الرئيس اليوم حضر الافتتاح وكي العادة عمل دورة في المعرض... سحب الكتاب السبب الوحيد اللي يبررو هو الطحين والخوف والتملق وذهنية محاكم التفتيش والبولسة…
لانو نفسية سيدنا ما تستحملش حسب تقدير موقفهم، تشوف صورة غلاف الكتاب وجها لوجه في معرض منظم من سيادتو كيما اتحفتنا لجنة التنظيم في المعلقة الرسمية…
صحيح صورة سيدنا في غلاف الكتاب المعني قد تبدو بشعة لانصارو...لكنها ما تنجمش تكون أكثر بشاعة من النكبة والنكسة اللي نعيشو فيها.
للتذكير: السلطان هو في الاصل استاذ جامعي درس اكثر من 30 عام في الجامعة التونسية مادة القانون وكيف تمشي لأي مكتبة موش فقط لمعرض الكتاب ما تلقى عندو حتى كتاب مرجعي ناشرو كجل الجامعيين اللي المزمر فيهم تلقى عندو 10 او 15 كتاب بخلاف المقالات العلمية... اكثر من 30 عام يخلص من المال العام كأستاذ باحث يقري الكور ويروح لا أكثر ولا أقل ... اش نعملو بيه البحث العلمي والإنتاج المعرفي.