في برامج "قصص النجاح" في تونس،اذاعية أو تلفزية أو حتى رقمية، تلقاو صفر جهد صحفي ، القصة الكل عملية اشهارية لانو برشة من البرامج هاذي اللي يتعداو فيها يدفعوا فلوس تحت عنوان "اشهار للشخص او للشركة او المجمع المعني بالامر" في ساشيات كحل.

اللي صار في ملعب رادس موش جديد صار في فيراج الترجي(ماتش في رابطة الابطال الافريقية ) والافريقي وبرشة جمعيات. بعد ماتش اليوم يفترض يتم اعلان الحداد على الكورة التونسية.

راهو احسن تكريم تنجم تعملو لوائل الدحدوح ، كيف تكون مثال كيفو في الدفاع على الكلمة الحرة ، في التضحية من أجل الصالح العام اللي هو المجموعة في بلادك قبل بلاد غيرك ، في التمسك بالحرية والكرامة واعلاء راية الحقيقة وكلمة الحق وتحدي آلة القمع والظلم ونكران الذات.

عام تعدى على إيقاف قيادات سياسية في قضية التآمر المزعوم ...عام ومواطنين توانسة يقبعوا في السجن بلا تهم جدية ...عام ومأساة العائلات متواصلة بسبب تهمة هوسية فضفاضة ماهي موجودة كان في ذهن الجهة اللي فبركت الملف..

ضروري التذكير ان صاحب اكبر كتلة في البرلمان الجديد هو علي الحفصي التجمعي السابق والوزير الذي اقاله قيس سعيد رفقة حكومة المشيشي في قرار كانت حركة الشعب من أكبر المساندين له

صحيح صورة سيدنا في غلاف الكتاب المعني قد تبدو بشعة لانصارو...لكنها ما تنجمش تكون أكثر بشاعة من النكبة والنكسة اللي نعيشو فيها.

نفكر فيهم لأني مواطن يحلم ببلاد محترمة اولادو يعيشو فيها الديمقراطية والحرية موش قانون الغاب وقانون الاستبداد وقانون دولة البوليس وقانون توظيف الأجهزة الصلبة لخدمة أجندات شعبوية تافهة.