عاد الجماعة إلى مازالو يعنعنو فيها... ويذكرونا بيها في كل شقيقة ورقيقة.. كي الملح إلي لا يغيب على طعام.. ويحكيولنا كان بالعشرية السوداء...وهوما مساندين الإنقلاب.. تفهم انهم يعنعنو فيها عاملينها سحابة من دخان أسود .. باش يغطيو بيها على العام ونصف تخريب منذ الإنقلاب... في كل المجالات...

وهذا الاستقواء بالخارج اصبح عيني عينك بالمكشوف اليوم... وبعد تلقى جماعة الفارينة يحكيو بكل وقاحة وصحة رقعة على الاستقواء بالخارج للشعب الذي يريد.. وهوما غارقين فيه للعنكوش. فبحيث... هذا هو الموضوع الأساسي المطروح... مع مطلب إرحل..

.. فبحيث..هاذي بكلها راهي اسمها قرارات امر واقع….متلحفة في نصوص شبه قانونية.. مبنية بكلها على باطل…

السفير الفرنسي اليوم مكلف بمهمة... من ماكرون.. السيد يحوس في الإعلام...ويعطي في التعليمات..خصوصا المتعلقة بضرورة الإنصياع لتعليمات صندوق النقد... وزيد يقلك انو يتعامل مع القيسون المنقلب على دستور الثورة.. كسلطة شرعية وموش كسلطة امر واقع... ومساند ضمنيا دولة البني القاعدي مع المطالبة ببعض التغييرات ل

كانو معملين منذ الإنقلاب على التسلق في فاڨونة القيسون... ياخي طلعت ليهم بالدة.. ومصمصو بعد مدة طويلة... وفهمو انهم باش يبقو يسفو التراب.... وين حطو رواحهم يوم 25 بإرادتهم.

فبحيث...وملخر... المترونقين هاذم...يطالبو في المقاطعين بمساعدة القيسون.. على تأسيس مشروع البني القاعدي متاعو... إلي يستهدفهم بالأساس... ويقضي عليهم من الخارطة السياسية كأحزاب سياسية.. وينتهك حقهم في المشاركة في إدارة الشؤون العامة لبلادهم.. وهاو سيديجا بعثهم يسكنو في كتب الجغرافيا.

عاد احنا توا دخلنا في ديمقراطية نوع ليكس... نوع بوليسي.. موش موجودة في العالم أجمع... وقت نندعيو الديمقراطية ... بالإقامات الجبرية خارج نطاق القصَاء... ومنع من السفر بالبوليس بدون إذن قضائي... . وعزل قضاة وطردهم من المحاكم بالبوليس...وغلق هيئات دستورية بالبوليس.... إلخ