الساحة السياسية بعد انفجار الحرية وتحول شجاعة الوسع والبرود المرفهة في متناول الجميع بعد 14 جانفي 2011 ،

...معناها الواحد يشعر اللي هو غالط في الوقت، وغالط في التقدير وغالط في الرأي وديما ينسى اللي السستم بناظامو التربوي والأخلاقي والاقتصادي والثقافي والإعلامي يُنتج مواطنين عندهم مخاخ متميّزة لكن اللي هوما دون المتوسط باقي اكثر ومسيطرين على المشهد ويعطلوا في الدنيا وهوما عبء على السستم في حد ذاتو.

عاد انا ماني غبت.. ورجعت لقيت الجيش الانكشاري أو القطيع الانكشاري متاع زعيمة التنوير عامل عليا هجوم افتراضي في منتهى الشراسة والوضاعة !

يستاهل نوعًا ما كل من يضحّي بوقته وجهده ونفسه في سبيل شعب يتنكّر لكل من يريد له الأفضل ويعشقّ من يستبدّ به وكلّ من يحتقره ويحتقر ذكاءه..

خوكم طاست مخو قاعدة تقولو.... ان الدستور اقتصر على الفصل 80 حسب"التأويل" الحكيم .... والباقي بكلو أكله الحمار اليوم... وجماعة الفيراج عاملة فيها موش فاهمة...

لكن مشا نهار وجا نهار... طلع الدستور كستيم 3xl على أبدانههم الديمقراطية القصيرة والنحيفة... وما نجموش يطبقوه...الجماعة طلعو جووارات أقسام سفلى في الديمقراطية... ياخي بداو إلى هذا في جرة لاخر يندعيو ان المشكلة موش فيهم لكنها في الدستور... إلي صوتو عليه.

موش لازم نحكيلكم على الخيبة والاشمئزاز خاصة لما تجي من واحد الحزب متاعو في الحكومة! وما نعرفش عندو نوع ثالث متاع ائتلاف واللا قاعد في "الفيراج"!