بالله خليني نفسّر حاجة بالفلاقي بخصوص موضوع "البنوك إلي تفاهمت مع الحكومة باش يوخروا الشهاري باش البنوك تربح قصاصات (des agios) "…
شوف، غالبيّة البنوك تعتمد في حساب ما لها و ما عليها على برمجيات مُعقّدة جدًّا (core banking system) تُعتبر هي القلب النّابض لهذه المؤسّسات. أقساط القروض و أقساط carte de crédit و خصومات التسهيلات (rouge) و إحتساب solde ... إلخ...... كلّها تتحسب بشكل أتوماتيكي عن طريق هذا البرنامج المُعقّد و عادة ما تصير العمليّة هاذي كل ليلة في نفس الوقت ...
السيستام هذا ما يهمّوش في الشّهريّة صبتها وزيرة الماليّة و إلا لا و ما يهمّوش الدّولة فالسة و إلا لا.....هو عندو مجموعة من القواعد يطبقها بشكل صارم بلا تمييز.... مثلاً، و قت إلي يعمل حساباتو و يجي يخصم في قسط قرض (تاريخ الخصم يعرفو الحريف)و يلقى الحساب ما فيهش فلوس (لسبب أو لآخر)....بطريقة أوتوماتيكيّة يحطّ القسط هذاكة في rouge و يبدى كلّ يوم يحسب في خطايا تأخير بغضّ النظر على الوضعيّة الماليّة للحكومة..لأنو هو ما يفهم كان في الحسابات إلي مرتبطة بال compte متاع الحريف... الحكومة ما تعنيلو حتّى شيء.
ينجّم واحد يقلك علاش البنوك ما خذاتش بعين الإعتبار الوضعيّة الحاليّة؟ شوف، وقت إلي عندك مئات الآلاف من الحسابات يعني عندك ملايين من العمليّات إلي لازم السيستام يحسبها بدقّة متناهية..... تغير قواعد الحساب لظرف معيّن صعب جدّا و يحتاج وقت و جهد....
هذه هي الخرّافة و هذاك علاش الحكاية ماهياش مؤامرة و مانيش ندافع على البنوك ... هذه هي الحقيقة كما هي !