الجماعة الي كانوا معملين ان قيس سعيد باش يحل البرلمان و يرتحهم من الخوانجية و يكتفي بذلك و يمدلهم البلاد و باش يخرجوا فرحين مسرورين و يتكيوه على جنب و يسطنتحوا في البلاد … اش قولكم كيف هربلكم بالبلاد الكل و خلاكم على الضحضاح ….
الجماعة الي تشمتت و ضحكت و شاخت كيف تشدوا بعض الاسلاميين و تعداوو قدام القضاء العسكري ،اش قولكم كيف القضاء اليوم اصبح قضاء التعليمات و الترهيب …
الجماعة الي كانوا متأكدين ان قيس سعيد عمرو ما يهدد حرية التعبير ،اش قولكم في الاعلام اليوم و في الايقافات تحت الفصل 54 ..
الجماعة الي كانوا طامعين ان قيس سعيد باش يقطع دابر الفساد اش قولكم كيف تونس اليوم تسجل أكبر تراجع ب 4 درجات، وفق المؤشر الذي أصدرته منظمة الشفافية ...
الجماعة الي تحت غطاء نقابي تحولوا لحزب و دخلوا في تحالفات و صفقوا و زمروا نهار 25 ، اش قولكم اليوم في الرحى الي خدمها الرئيس و الطش الي خلطلكم ؟
نرجع و نقول الي البلاد الي سياسييها كلهم كره و حقد و لا يتناقشون في البرامج و في المشاكل الي تهم الشعب و في الحلول الي تنجم تنقذ البلاد الي قعدت كيف الكورة بين الساقين : لن تقوم لنا قائمة و باش يحكم فينا التعيس و خوه .
واصلوا في هالطريق و الهفهوف هو المآل .