قبل شهرين من الإستفتاء على دستور جديد... غير معلن لحد الآن...دستور سري قال لاخر. نعملو زادة مرسوم احكام استثنائية للاستفتاء.. لتغيير قانون اللعبة لمصلحتنا... قبل التصويت بشهرين.. وهي بدعة اخشيدية أخري.

كذاب.. إلي يقول النهضة مسؤولة وحدها علي سماوها "عشرية الخراب"...ومتهرب من مسؤوليتو معاها... كذاب... إلي شارك في الحكم في العشرية السابقة... و داززها انو ما شاركش فيها.... وموش مسؤول.... هذا كي تجي تشوف هو موش مسؤول توكور.

بماذا أصف هذا الجمهور؟ شرذمة؟ أقلية ضالّة.. !! إرهابيو تونس والجزء الظلامي من شعب الهريسة؟ زمرة مخمورين؟ أم كمشة دراويش لا يريدون استكمال طواف الوداع؟ .. أم هم القوم الذين لا يريدون جنة البناء القاعدي ويرفضون أن يقتادهم الرئيس سعيد مكبلين إلى جنّة "جماهيرية المنيهلة الشعبويّة العُرمى"…؟

عاد هاك الكعبتين أساتذة قانون دستوري إلي كل مرة يدورهم بيه الإخشيدي... ويعمللنا خطبة على الدستور...وهوما يسمعو فيه وساكتين... هاذم كمشة انقلابيين بش يحاسبهم التاريخ.. كان موش القضاء غدوة... يمشيو يقراو باب الإعتداء على أمن الدولة في المجلة الجنائية... تو يفهمو فاش يعملو.. وعلاش قادمين.

...ويحب كيف بن علي يكون عندو الحق يعطي للقضاة تعليماتو، وهذكا آش عمل في خطابه الخطير مبارح.. وهو فضيحة إخشيدية تاريخية بكل المقاييس..

عاد ثمة شكون ينظر ويقول انو من حق الإخشيدي يحط جماعتو في مفاصل الدولة.. بش يطبق سياستو. ساعة بربي إلي شاف سياسة يوريهالي... وموش هو إلي قال ما عنديش برنامج؟

الإخشيدي يحمل فكر شمولي استبدادي.. ويسعى لتطبيقه باستعمال جهاز وموارد الدولة... وهو يسعى لتنظيم تياره السياسي... أيضا باستعمال موراد وجهاز الدولة....وهذا امر خطير ومخالف للقوانين.. بدون لف ودوران وتنظير عقيم…