رئيس الدولة رئيس مؤسسة، رئيس مؤسسة مايقولش وهو عرف البلاد، ماينجمش يقول أطراف خفيّة ويسكت.
رئيس الدولة يلزم يفهم الي كلمة مؤامرة كبيرة وكان فما مؤامرة في اي بلاد يلزم الجيش والداخلية يتدخلوا ماكانش يولّي كلام عادي ماعندو حتى معنى كيما اي مواطن. الخيانة والمافيا يلزمهم الحبس موش الي يتكلم ويمشي.
رئيس الدولة يقارن بين المجتمع المدني والسياسي والي هوما حاجتين مكملة لبعضهم موش عكس بعضهم.
المجتمع المدني ماينجمش يكون هوا الي يحكم على خاطر ماتنجمش تكون رئيس iwatch وشاد وزارة وتولّي خصم وحكم.
رئيس الدولة هو الي يعطي الامل الحلول، هو الي يطمن المستثمرين والشغالين، الشباب والامهات.
رئيس ماينجمش يعمل خطاب مدة 11 دقيقة بالعياط. الخطاب علم فيه النفس وقتاش تقوّي وقتاش تطيّح الغزرات الكلمات punchline يمسّوا.
اول خطاب هتلر عملو في حزبو بش شد الحكم المطلق قعد ساكت درجين والناس كلمة لا، درجين والناس ترعش وفي اول جملتين الصالة شعلت بالحماس.
بورقيبة كان يسحر الناس بقطع النظر عن المحتوى، خاطر رغم عيوبو الكل كان يعرف خطورة بلاصتو. عمري مانشك في نزاهة الرئيس والا نظافتو، لكن هذا خطاب متاع مرشح في حملة موش رئيس، والشباب الي صوّتولو فيه برشة دمادم ينجموا يعاونوه في الخطابة الاتصال وحتى في المحتوى.
الي قاعدين نشوفو فيه هو خلط للمفاهيم بين السياسي والمدني بين الخطاب الحماسي وخطاب الدولة. يلزم الرئيس يفهم راهي الكلمة بحسابها والناس من عند ربي مرعوبة وضايعة.
الخطاب حتى قدام الناس يتخدم بالمليمتر بالكلمة،