رئيس البرلمان حط يد في يد "الفساد" كيما قال هو بيدو، باش دبر بقعةرئيس ياخي هذي رشوة -سياسية-والا انا غالط تي الواحد يجيب كاس تاي لموظف باش يخرج فيسع مضمون في البلدية وما يشدش الصف رشوة و فساد خلي بقعة في البرلمان لا و يلوموك.. آآآكل العام ريتك قاعد في القهوة مع..... انت بيك وعليك ونهار الكل يحكيولك على اخلقة الحياة السياسية... كيف الامام او الداعية يحكيلك على القناعة كنز لا يفنى وهو لابس مونقالة تشريلك دار..
للأمانة راهو حتى الجماعة لوخرين ما عندك ما تڨول فيهم جماعة كُمًلّ اوايف رڨطة ألطف اوبرا.. -توة بالله كما جاش الياس معروف و الجماعة الكل يعرفوه باش يتسمى،أو برٌا ما جابش المعدل في الانتخابات هذية مربوث و صغير و جاتو الستراس ولكن هو وليد شباب لينا و متاعنا سي يوسف قال فيه كُليمة عند الرئيس و سي محمد ع. الله يبارك فيه قال ماعنديش مانع فرحان بيه و الشيخ خدم معاه قبل يعرفو ولد ناس و الناس بالناس و الناس بالله و الاقربون اولى بالمعروف و دوسيه نظيف يللش و بشهايدو وعلاش نضيعو في الوقت نحصلو في كعلاف من وراء البلايك جبري جعان يولي يحاسبب فينا بالباب و التاء و يصبح يتسيد علينا و يلعبهالنا موسيو بروبرو و برا عاد آش باش يفكنا منا او موش كل شي راهو بالقانون ساعات بالتقدير و المعرفة و المعارف اذا ك علاش سي منجي و سي حكيم... ما تعداااااوش. –
الي ما عندوش زهر فالبلاد هذي مشى يعني حياتنا كاملة بالزهر بالصدفة تولد بالصدفة وبالزهر تنجم تكون ولد امير والا فقير تنجح بالصدفة والزهر.. يعني انتي كيف تدخل تعدي امتحان والا كونكور القاعدة صعيب ياسر تنجح وإذا نجحت راهو بالصدفة وعادة بالتجربة نهارة الي ما تحضرش تنجح.. يعني هاك تشوف الرئيس يخي حضر روحو.. عمل حزب ناضل ما ناضلو حمة والا نجيب والا راشد... عندو تجربة سياية عندو خبرة في العلاقات الدولية عندو معارف متكلمين عليه عندو برنامج كيف نلسون مانديلا والا غاندي.... عندو نظرية هو بيدو قالكم وكان صريح او واضح ما غش حد الحق "مانيش محضر شي ما قريتش... برنامجي هو برنامجكم الي باش انبرمجوه معا بعضنا وقتلي تبرمجوني في الانتخابات".
و تو الي يكلمو يقل "انا وعدتك بحاجة" و بصراح ما عندي ما نلومو يعني الحظ السعيد و الصدفة. -آش بقى باش تنجم تعيش في ها البلاد وقت الي لا عندك باش تقدم رشوة و لا عندك معارف و لا عندك زهر...بقى كان صحة لبدان التبوريب و التجلطيم تسب الناس الكل آش عندك ما خاسر بالعكس..يتلموا بيك الشلايك الكل... و تولي بطل في عين هاك الخوافة و اللحاسة و تولي صاحب مبدأ.. وكلمتك تقولها بكل وقاحة والي يحكي معاك تطيحلوا قدرو و تندمو في النهار الي قابلك فيه.. وتشري الشبوك و تبلبز كل شيء و تسيب دراوشك على الناس الكل و الي حاشتوبيك يعرضلك في الدورة..
وزيدو تولي عمارة باهية فيها برشا مسوار تتشرا و تتباع و تشبع للتفڨم... و لي عندو بونتو بحد.. يجيك يجري يبكي.. ويشكي.. وتولي انتي بو الناس الكل.. وتولي حتى الامارات والسعودي تصرف عليك.. وفي اعلام مصر وموزاييك تعدييك.... تو بالله موش" عبير م "عامله هكا والا انا غالط. -تو فينو القانون. في السبيطار.. امريض.... مات مثلا.... وين دولة المؤسسسات... ويني دولة المواطنييييين السواسية في كل شي حقوق وواجبات يا ولادي بلاد المهموتة والتبلعيط والتكعبير... والتزكيم.. موش بلاد الكفاءات والاحترام والاخلاق وتحس روحك بقدرك... مهما كنت...
ريتو علاش نحن تعسااء ريتوا علاش نحن باللي تعمل ديما تحس روحك ستراساي. هذا علاش الناس الكل تحب تهج..... .... سافر.. والا احكي معا واحد عايش البرا تو تعرف الي انتي في دولة ما تسوا حتى شيء.. رقم.. في ادارة في بطاقة تعريف... في ملف... وقتلي تقلقهم.. يعرفو منين يجيبوك.