عندهم اكثر من شهرين في الاعتقال محجوزين بدون اى فعل مجرم : ظلم وقهر نحس بيهم في مصارني وغضب كبير على اشباه الديموقراطيين المنبطحين كي الحلزون تحت اقدام من يخرب اليوم في البلاد.
شنوة باش تحكيوا لولادكم نهار اخر؟ شنوة باش تقولوا لحفادكم؟ كنا رجال ونساء ولينا طحانة ؟ شفنا الظلم والقهر وسكتنا؟ خلينا الاستبداد يتمكن من جديد بالبلاد وعملنا رواحنا موش فاهمين؟ باش تحكيولهم كيفاش بعتوا الحريات والحقوق ودولة القانون وحياة البشر ببلاش !!!
باش تصارحوهم انكم مديتوا يديكم للأغلال من جديد وعطيتوا للذل كاروا؟؟؟ وباش تقولولهم اللي ثمن هذا الكل : ولا شىء…!!!!سوى مزيد التخلف والذل والاهانة وتحطيم اركان الدولة وفشل ليس له مثيل!!!
اش باش تقولوا … واش باش تحكيوا…؟ عاركم لن ينمحي !!!وسأسعى ما بقى لي من عمر في فضحكم يا انتهازيين…
العجلة تدور وغدوة قريب…