و بش نتوجه لمقدمة البرنامج : نحن تعلمنا أنك كيف بش تعمل بلاتو ، الحد الادنى المهني يحتم عليك أنك تعمل بلاتو متوازن فيه الرأي و الرأي الاخر ، خلافا للصحافة المكتوبة اللي هي flexible أكثر و تخليك توا تجيب وجهة نظر و في خبر لاحق تجيب الراي الاخر.
تستدعي عصام الدردوري اللي من نهار برنامج الجزيرة و هو يبرر (زعمه علاش ؟؟) ليكيل الاتهامات ويفصل في الملفات ويدعي انه يقدم الحقائق ..تفسح له المجال ليجلد انسان اخر و يعملو عملية سحل وليتحدث بما يدعي على انها معلومات وحقائق في حين أن كل الملفات تقول عكس ذلك..... آش كان عليك لو جبت شكون يمثل وجهة النظر المخالفة ؟؟؟؟؟
و تزيد تسيّب الكرونيكور اللي معاك اللي يحب يعمل رتق عذرية بالسيف بالمال العام و في الاعلام العمومي (و هو كان ناطق رسمي في اللي يسميها هو العشرية السوداء ) بش يشارك و يغذي عملية السحل .. برنامج هذا و الا محاكمة تلفزية تنتفي فيها حقوق الدفاع ؟؟؟ .. الكرونيكور متاعك قلو رانا نعرفوا انك ما تشد المنصب هذاك الا ما انت و عرفك مقدمين طقوس الطاعة و الولاء.
عار على المهنة و على تونس ان يكون لها مثل هذا الاعلام ..عار كبير لكن مش مشكل كلنا نغلطوا و انا سبق و غلطت يا مقدمة البرنامج و نصلحوا و انا مثلا صلحت و انت ما فاتك شي تنجم تصلح .. ما زال عندك فرصة حتى تتدارك بش من بعد ما تقولش مضغوط عليك و هات من هاك البكائيات.