البارح سمعنا جملة من القضاة المعزولين كل واحد يحكي على حكايتو. فم قاض ما رينهاوش و ما سمعنهوش هو السيد محمد كمون و انا اليوم باش نسمح لروحي نحكي عليه ......
سي محمد هو و عائلته تعرفت عليهم بحكم فم قاسم مشترك بيناتنا يجمعنا انا ولدي متوحد و هو زادة ولدو متوحد ....تعرفت عليه و على زوجتو اللى من بعد ولات صديقة لي غي جمعية تعنى بالمتوحدين .....
جلب انتباهي السيد هذا ( سي محمد كمون ) شخص يحمل قضية همو انو ولدو و الصغار المتوحدين الاخرين يتحسن وضعهم و يعيشو عيشة باهية خاصة و انو تكاليف علاج المتوحد باهضة جدا. اول ما تعرفت عليه في الجمعية لقيتو جايب يوميات طابعهم(calendrier ) و يفرق فيهم علينا باش نحاولو نبيعهم و كان هو خذى كيفنا كمية من اليوميات و قال كل واحد يحاول يبيع اللى ينجم باش نجمو نعاونو الصغيرات المتوحدين وقتها انا لا نعرف اللى هو قاضي و لا قاضي سامي من كبار القضاة المحققين في تونس .....
من بعد جلب انتباهي السيد الفاضل كلامو على المتوحدين و سعيو باش وضعيتهم تتحسن فقال علاش لا هاو الأطفال المتوحدين يخدمو في حاجات كيما سلاطة مشوية و كيما بعض التحف علاش نحنا الأولياء ما نلقاوش طريقة و نبيعو ما يصنوه الصغيرات هاذوم ......
الحقيقة برشة تفاصيل تخليك تفهم اللى السيد هذا ( سي محمد كمون ) انسان رائع و يحمل قضية ....و توطدت علاقتي بزوجتو وقتها عرفت انو قاضي تحقيق، بل من اكبر قضاة التحقيق في تونس و من اعمدة رجال القضاء في البلاد ......
السيد محمد كمون يعيش عيشة متوسطة جدا كيما اي تونسي كل ما يملك دار طبعا اسسها هو و زوجتو بالقروضات و سيارة فقط و كي عطاتو الادارة سيارة إدارية باع سيارتو باش يعاون روحو معناها كيما اي موظف تونسي .
سي محمد كمون كل زملائه و كل من جاء قدامو في التحقيق يشهدو انو رجل فاضل و انو فقط لا هم له إلا تطبيق القانون.
محمد كمون جاتو برشة عروض من الخارج من دول عربية باش يخرج و يعمل عقد عندهم و يستنفعو بخبرتو باجر باهض و خيالي و هو رفض و قال انا نحب بلادي و نحب اولادي يعيشو في بلادهم
سي محمد انسان بمعنى الكلمة لانو مش اللى يجي يحمل قضية متوحد و مش اللى يجي ينجم يتحمل متوحد في الدار و يتلهى بيه و يرسم على شفتيه الضحكة مش ساهل بالكل .
محمد كمون الانسان و محمد كمون القاضي الفاضل اللى طول حياتو الكل يشهدولو بالشرف و الاستقامة ايامات فقط لتالي لقى روحو معزول فقط لانو حب يطبق القانون .....
هو حب بلادو و ما حبش يخرج منها رغم العروض الكبيرة اللى جاتو و ما استغلش مركزو باش يستفنى و يولى لاباس عليه أو حتى يضمن مستقبل ولدو المتوحد هو فقط حب البلاد و حب يكون كما هو فقط حب يحي بكرامة......فوجد نفسه معزول ......