قبل شوي كنت في بث مباشر واصور بمنطقة السوق بالبلد عنا باللد وتهجم علي مستوطن. كتير انفعلت وما قدرت احكي كل الي كنت بدي احكيه واوصله لهيك بدي اكتبه هون الشغلات بطريقة اكتر واضحة.
الي قاعدات وقاعدين تشوفوه ببلاد فلسطين مش جديد هاي قضية الها سنين كتيييير طويلة الها بداية ما الها نهاية. النهج العنصري الي عم بتشوفوه اليوم اله عمر موجود هون. النهج العنصري هو هو نفسه بس الاشخاص الي بتتغير وبتتبدل.
لما قولت القضية مش قضية عرب ويهود قصدت ان القضية مش مسألة تعايش كنا موجودين فيه وعايشينه بالمدن المختلطه وهلا الاشي تغير وانقلب، لا! القضية هي فلسطينية، السياسة اللي بستعملوها ضدنا كلنا بنعرفها وحفظناها عن غيب.
هاد الواقع احنا عايشينه من سنين وبس هلا تسلط الضوء عليه وكتير مبسوطه وفخوره اني قادره اشعر ولو شوي بالنضال المشترك بكل انحاء فلسطين.
احنا بنطلع عشان نحمي حالنا ونحرس بيوتنا ومقدساتنا من المعتديين علينا - لما تشوفوا ان قطعان المستوطنين بسمحوا لحالهم يجوا ع حارات عربية وبحماية الشرطة وجنود الاحتلال اعرفوا ان احنا بدولة عنصرية فاشية.
ليش بقول فاشية؟؟؟ لان النهج الي قاعدين يستعملوه بتعليم بيوت العرب هو هو نفسه الي استعملوه النازية في المانيا. ليش الجنود معبيه البلد عنا؟ لانها خايفه ان السلاح الي اعطوها للشباب عشان يقتلوا ببعض يستعملوه ضدهم يعني قلب السحر على الساحر.
كل اشي راح اتذكر احكيه راح اكتبه وانزله.
لما تقول مستوطنين مستوحشين ايش بنقصد؟
بنقصد انهم قضوا كل الليل يلفلفوا بالشوارع والحارات يدوروا على بيوت عربية، ممتلكات عربية وعرب داخل سيارات او بتمشي بالشوارع عشان يضربوها ويدمروها. في ملان فيديوهات عم تنتشر والاعلام قاعد يوثق بس ان العرب والفلسطينية بهجموا - جماعة فش منه الحكي!!!!!!!!!
كل فعل اله ردة فعل!
انا قدام عينيي شوفت مستعربين بنزلوا ضرب في شبين صغار وما خالونا نقرب حتى نسال شو اساميهم .رموا علينا قنابل والسلاح كان موجه لناحيتنا كل ما جربنا نفهم شو بحكي الشب وعم نحكي على وضع الي فيه كان في جنازة ومش هيك اجى ع بالنا نطلع نستفزهم كيف بعملوا النا المستوطنين.
حارتي الي ربيت فيها رمات اشكول - ملانه ملانه مستوطنين مسلحه بتلفلف بدم حامي!! صحبتي كانت بالسيارة مع ابنها الطفل عمره يا دوب سنتين هجموا على سيارتها المستوطنين وقبال سيارتين شرطة وولا عملت اشي الشرطة وصحبتي انجبرت تدعس بنزين وتهرب!!!
وهلا وانا اكتب البوست بالبلد القديمة المستوطنين قاعدين يمشوا ويغنوا "עם ישראל חי" مع اعلام اسرائيلية وولا حدا مانيعهم من القوات الي باللد وكمان عند المحكمة الكبيرة اعلام اسرائيل بترفرف والمستوطنين مع سلاح انا شوفت بعيني مستوطن ماشي مع ولدين صغار وعنده سلاح في بنكلونه من ورا.
بس لما احنا طلعنا امبارح على جنازة الشهيد موسى حسونة الشرطة استعملت ضدنا رصاص حي، قنابل صوت، غاز مسيل للدموع هاد كله ما حدا جاب سيرته!
الناس بنص الجنازة هربت وتشتت، الاعلام ما وثق اشي من هاد الي بصير يا جماعة الخير الي بصير اجرااااام بحقنا. احنا كل الليل كنا خايفين مش من الصواريخ كنا خايفين يفوتوا ع بيتنا المستوطنين ويهاجمونا.
ملان عائلات عربية طفت زينة رمضان لان باللحظة الي بنعرف ان في بيت عرب الهجوم ببطل في اله حدود وبحماية الشرطة والمچاف البقر وصلتنا رسائل صوتية بنسمع فبها صبايا وشباب بطلبوا المساعدة مرعوبين من مجموعات مستوطنين جاي لعندهم وبس يشوفوا المستوطنين ان في تصوير بنسحبوا عشان يعملوا قرفهم ع السكت.
زاد الحد وطفح الكيل!!! انشروا الي بصير وعمموا! القضية مش قضية زعرنة عرب القضية قضية فلسطينية!!!! القضية قضية تطهير عرقي وحماية المستوطنين! السياسة هي هي ما تفكروا ان في تفرقه كلنا واحد!