من حقك تحب المقرونة..اما موش من حقك تفرض علينا مافيوزي خاطرك بعتلو كرامتك برطل سباغيتي…
أغلى كيلو مقرونة ما يسواش انك تبيع حرية اولادك وتطعنهم في الظهر بالتصويت لمشروع مجرم..
حتى قتالة الأرواح متاع المافيا يهديو المقرونة والبيتزا والشكلاطة وحتى الورد..اما يخلصو دم ونقب في ظهرك وصدرك وراسك وكرشك انت وأولادك…
تنجم تتحالف مع الشيطان وتربح...مع المافيا ما تنجمش..الشيطان ما يضركش وقت تعكسو...اما المافيا ما تسامحكش كان تجرأت على مصالحها…
المافيا أخطر من الاستعمار...الاستعمار ضامن انو مطول هذاك علاش يبني باش يستغل الثروة الموجودة...المافيا ما تبنيش...ماهيش في حاجة...الفوضى والميزيريا هوما حلفاؤها الاستراتيجيين ..الاستعمار يلوج على الهبرة الصحيحة اللي انت ما تشوفهاش...المافيا تطمع في شقاقة بنتك ودفتر الادخار متاع بوك وحتى في التفتوفة اللي خباتها امك تحت الجراية حق عمرتها…
الاستعمار جيش متاع دولة...مهما تجبر ديما يخاف من القوانين العالمية...المافيا خارجة على كل القوانين...هي الجانب الأسود للنفس الأمارة بالسوء..تكفي الصورة هذي باش تفهم شنو مستعدة باش تعمل..اما كانك تحب تاكل المقرونة بلحم اولادك امشي انتخب نبيل القروي…