والله شيء يبهّت...فمه ناس لتوا ما استوعبت ان واحد من المترشحين للرئاسة متحيل وقلاب وسارق اموال الدولة بالتهرب الضريبي…
راهو موش بورجوازي مستكرش يحب يولي رئيس شعبة ولا رئيس جمعية في القسم الثالث..هذا واحد مافيوزي يحب يحكم في بلاد كاملة...ويمثلنا في المحافل الدولية...ما نعرفش وقتها ينحي البلوطة ولا يلبسها باش يبان ولد عصرو..
والغريب في الأمر انك انت يا موظف اللي فلوس الضريبة على الدخل يقصوهالك من الثلاثة صوردي اللي تقبضهم تحب تصوت لواحد يدخل مليارات وموش مستعد باش يساهم في انتشالك من الفقر حتى بدورو…
غريبة اخرى انك تلقى ناس تدافع عليه بالشراسة اللي نشوفو فيها…محامين واعلاميين وناشطين سياسيين وأشباه مثقفين..ممكن نفهم دفاع البعض على سلامة الإجراءات القضائية اما تلميع صورة قطعي ما عندها حتى مبرر أخلاقي.. سوى السقوط الأخلاقي..
نبيل مقرونة ما ينجمش يكون رئيس…مهما تستحلى بعض ناس التمرغ في المستنقعات فإن ذرة الأخلاق الباقية عندنا ترفض الاستكانة للدناءة…