عشرين مليون ياخذها ديواني بسيط باش يعدي بضاعة مهربة..ياخذها نقابي فاسد باش يسهل تعيين واحد..ياخذها جامعي صاحب مبدأ باش ينجّح واحد زلاط في الكاباس..ياخذها موظف فاسد باش يعطي حق ويتحيل على القانون..الناس باش تطيح الاسوام في سوق الاغتيالات السياسية…

عار عليك يا دولة تستعمل ناس سافلين للدرجة هذي...موظفين برتبة سراق...ياخذو مرتب من عندك يا دولة باش يسرقو ضيوفك وأولادك.. عار عليك تكرار المهزلة سنوات وانت عاجزة على حلها...يعني ماعادش ناس ثقة في البلاد باش ما تخدمو كان السراق ؟

نبيل مقرونة ما ينجمش يكون رئيس...مهما تستحلى بعض ناس التمرغ في المستنقعات فإن ذرة الأخلاق الباقية عندنا ترفض الاستكانة للدناءة…

المافيا خارجة على كل القوانين...هي الجانب الأسود للنفس الأمارة بالسوء..تكفي الصورة هذي باش تفهم شنو مستعدة باش تعمل..اما كانك تحب تاكل المقرونة بلحم اولادك امشي انتخب نبيل القروي…

وكبروا اصحاب اابارح أعداء اليوم..وشدّوا مناصب..وزراء ونواب ومسؤولين وإعلاميين..وصارت عندهم سلطة..وصار القصف أقوى..وصار التخوين أخطر..وحبل الكره صار أطول..وداروا على حيوط الحومة كل جماعة تجبد حجرة..

البروباغندا متاع الأشخاص المساندين لعبير موسي مركزين على نقطة تتكرر برشا: عبير ما قلبتش الفيستة.. ربما..لكن شني الفيستة هذي اللي يتفوخرو بيها ؟

يا فرخ التفبريك والكلام من غير لوجيك..موش المدرسة لي غريبة..الغريبة انك محسوب علينا صحافي وتساهم في الرأي العام..الغريبة انك تونسي وما تعرفش التوانسة ولا هموم التوانسة..الغريبة انك لا تعرف تخدم لا تعرف تتكلم وحاسب روحك عبقري زمانك..