النهارين فما توانسة قلقهم البنك المركزي لانه زاد نقطة في الكريدي متاعهم. و في الاثناء يعطوا في دروس في السياسات النقدية. اتفهم قلق التوانسة لان المقدرة الشرائية تمسهم.
ثم أحزنهم وفاة كارل لاقارفالد مصمم شانال. و تعاطفوا مع كلبه اليتيم. استطيع ان أتفهم الواحد يربي العشرة على كارل و كلبه. في الاثناء قلقتهم الظروف متع مدرسة قرآنية و تعاطفوا مع الصغيرات. قلت نورمال شكون ما يتعاطفش مع صغيرات و اصدقائي هاذم قلوبهم رهيفة و نتفهم إحساسهم.
و قلقهم شوقي قداس كي طلب كونجي بشهرين من عند عرفو( وزير العلاقة مع الهيئات الدستورية) و إلي قبلوا الكونجي...مع العلم الي عرف عرفوا يجي رئيس الحكومة مولى الباتيندة الي شوقي باش يخدم عندهم شهرين منضم مؤتمرات و يخلص من فلوس التوانسية...
و في هاذي أتفهم كذلك قلق التوانسة و خوفهم من تداخل حزب تحيا تونس و دولة تونس. و كل هذه المشاعر الرقيقة و الحس الحقوقي و الرأفة بالأطفال و حتى بالحيوان....ثم لا تحرك لهم شعرة عندما يعدم سفاح منتحل صفة رئيس 9 شباب و لا يحزنون على أطفال يتموا و حرموا من الابوة. و لا تحزنهم امهاتهم من قهر العسكر الغادر. و لا زوجاتهم الارامل و لا .....
ربي ارحمهم و خفف على ذويهم و أرنا يوما مصر حرة مستقلة يحكمها العدل و العسكر في ثكناتهم.
و ربي يفرج على التوانسة الذين ماتت قلوبهم و عميت أبصارهم.