وجهة نظري في وجهة نظر قاعدين يقولو فيها بعض أصدقاء

كل وجهات النظر في أوساط المعارضة والمدونين من أجل الديمقراطية محترمة وعندها وجاهتها ... ووجهة نظري في وجهات النظر هذي زادة محترمة وعندها وجاهتها :

مثلا ...أنا نقول أن حكاية تجديد الطبقة السياسية وتوحيد المعارضة تنظيميا وضرورة انسحاب بعض الوجوه كيما سي المرزوقي ورفيق عبد السلام وضرورة تصدر الشباب و الديمقراطيين الحداثيين متاع التيار الديمقراطي ونفس وخونا المولدي واختنا سناء وهشام ووسام وضرورة ابتعاد النهضة ...الخ الخ ...هذي الأفكار بكلها وجهة نظر محترمة ولكن أنا نعتبرها حكاية فارغة ....مش حكاية فارغة ...نقصد نعتبرها أسلوب سياسي ...وجهة نظر سياسية لأهداف سياسية .

علاش ؟ على خاطر تجديد الطبقة السياسية وتوحيدها والا عدم تجديدها وعدم توحيدها وإبعاد المرزوقي ورفيق أو إبقاؤهما وتصدير النهضة أو إبعادها ما يخليش الطبقة السياسية تغير الواقع السياسي ...وما يخليش الشعب يخرج ويغير الواقع السياسي …

هكا ؟ إيه طبعا ...وجهة نظري أنا : في العصر الحالي الواقع السياسي لا تغيره الشعوب ولا الطبقة السياسية بل تغيره الترتيبات متاع الدولة ومهندسي العالم …

لكن طبعا النقاش هذا الي تخوض فيه الطبقة السياسية والمدونين على شكون يلزم يخرج وشكون يلزم يقعد واش يلزم نقولو واش ما نقولوش هو محاولة من الطبقة السياسية للفت انتباه الترتيبات و محاولات للتموقع وهو طبعا امر مشروع ...لكنه وجهة نظر موش حقائق ...حتى كلامي هذا تنجمو تعتبروه وجهة نظر أما حقي زادة اني نقولو ..

ولهذا من حق الجميع أن يقول ما يريد ويفعل ما يريد أما ما يقوللناش أن ما يقوله ويفعله هو مدخل التغيير والفعل في الواقع ..

ومع ذلك ماذابيا المرزوقي ورفيق وغيرهما معادش يظهرو في الساحة ...علاش ؟ هكاكا ...وجهة نظر ...كيما أنا ماذابيا معادش تجيني الرغبة باش نكتب في السياسة ونهتم بها ويولي قلبي بارد ...مش على خاطر أنا وقت نسكت يتغير الواقع مثلا ...أما هكا ...معادش نحب نشوف منظري في الساحة السياسية …