انتم مصدومين من ذلك "الموظف التشريعي" على خاطر قال ما يصيرش "تغتصب افريقية وهاو مشاء الله تونس فيها كل شي" ووراه قاعدة تتضيحك هاكا النائبة متاع الدجاج والكوانز في رمضان .
أنا موش مصدومة ولا باهتة و لا متفاجئة.. علاش ؟
بالكشي الناس هاذم الي انتخبهم هاك الأقل حتى من عُشر التوانسة انتخبوهَم لنجاحاتهم أو لمؤهلاتهم الفكرية والمعرفية أو لتاريخهم السياسي والحقوقي والنضالي باش تتصدمو توه.. نكرات قادهم مكر التاريخ الى تأثيث المهزلة بعد تجريف كل ثوابت الديمقراطية.. لا من يعرفهم لا من يعرف أفكارهم وخلفياتهم، رقدنا وقمنا لقيناهم موظفين في البرلمان، اش يلزم نتوقعو منهم يعني !!
هوما منسجمين مع المرحلة ومع انفسهم و مع لحظة الرثاثة بكل أبعادها.
هذاكا هو واقعك المرير أخي التونسي وعندو برشه زاده.. وعليه ما تسرحوش برشه في الترهدين.. في انتظار تصريح جديد ابشع واشنع يصدمكم للمرة الألف وديما يمشي .