غريبة والله... عاملين فيها يناقشو في مضمون دستور منزل من فوق... مفروض عليهم بالمغالبة... من دكتاتور وقتي... آفل لا محالة... باستعمال قوة جهاز الدولة...و أموال وموارد واعوان الدولة...وهذا من الفساد الكبير... وعامل فيها ملهم عظيم... وهو ينقل على الدساتير القديمة متاع عصور الإستبداد.. للقرون الماضية.. من حيث عدم الاعتراف بقيم المواطنة وقيم الجمهورية، وحقوق الإنسان ،والحقوق المدنية والسياسية..
ياخي لها الحد يجهلو... أو يتجاهلو.. وهاذي مشكلة كبيرة لأنها متاع انتهازية ووصولية... ان الدستور العصري هو عقد اجتماعي بين القوى الوسطية في المجتمع... لضمان الحقوق والحريات... و تكريس الديمقراطية وقيم المواطنة وقيم الجمهورية.. وتنظيم التداول السلمي على السلطة؟ ياخي موش عارفين ان المنقلب على الدستور... انقلب عليه لأنو عقد اجتماعي كرس تلك المبادئ العصرية؟
وياخي موش عارفين انهم يناقشو او ما يناقشوش... دستور البني القاعدي المتخلف والرجعي مجتمعيا والإستبدادي سياسيا مقارنة بدستور 2014 .. باش يقول المنقلب انو تعدى ومعيز ولو طارو ... رغم تزوير الإرادة الشعبية.... ومهما كان عدد المشاركين في التصويت؟ والدليل انو ما حطش عتبة للمشاركة في الاستفتاء... ولي لا يمكن أن تقل عن نصف الناخبين.. و بدونها يعتبر الإستفتاء فاشل... ولا عمل به...
ياخي ما يعرفوش انو هكاكا يعملو الحكام الفرديين المستبدين المغتصبين للسيادة الشعببة؟ وياخي ما يعرفوش بالتالي...انو التظاهر بنقاش دستور منزل ومحتواه معروف مسبقا... مضمونه رجعي واستبدادي... للدعوة للتصويت بلا... في استفتاء مزور تشرف عليه هيئة منصبة تطبق التعليمات التي تصلها عن طريق مراسيم وأوامر صادرة عن ولي نعمتها... ومدبرة بليل في الغرف المظلمة من الحاكم بأمره .. هو مساهمة في الترفيع في نسبة المشاركة في التصويت.... علّها تصل لتلك العتبة في عدد المشاركين؟ ومساعدة له على الإدعاء بقبول الناس بهذا الإستفتاء المزور؟
ياخي ما يعرفوش ان المنقلب... انقلب على دستور كامل يا بوڨلب.. اب وام كل القوانبن لأنو اعلاها... والذي يجب أن تتلاءم كلها معه.... وأن كل ما صدر عن المنقلب من مراسيم وأوامر منذ الإنقلاب على الدستور هي في عداد المعدوم... وصادرة عن سلطة امر واقع... ولا تنفذ إلا بالمغالبة باستعمال أجهزة الدولة القمعية والمادية…
وأن الإدعاء بأن المشاركة في إستفتاء مزور... يتنزل في إطار احترام القانون.... هو كلام أخرق ولا علاقة له بالقانون لا من قريب ولا من بعيد.. وانه من قبيل الرضوخ للأمر الواقع... إن لم يكن من قبيل المشاركة في تبييض التزوير؟
ياخي ما يعرفوش يا بوڨلب... ان المنقلب الملهم العظيم وبنفسه ... كان متبني لنفس الموقف من مثل هذه الإستفتاءات المزورة قبل الترشح للإنتخابات ...وغير موقفو 180 درجة بعد أن اغتصب كل السلط كحاكم فردي...حول تلك الدساتير المنزلة للحكام الفرديبن في المنطقة العربية؟
وانو اليوم حفظ الدرس جيدا... ويطبق بحذافره ما شهر به بالأمس؟ يا والله أحوال... قداش دقان حنك... وخرطات تنظيروية... وعدم مسؤولية... ولعب بمستقبل تونس..
ومرة أخرى... يا والله أحوال..