صالح السايل
سمحوا لي باعتباري عضو قار سابق بهيئة السوق المالية أوضح التالي خاطر بالحق طايرتلي: الترقيم السيادي راهو تقوم بيه شركات عالمية متخصصة..(Fitch rating, standard and poor's etc وغيرها) قصد تقييم قدرة دولة أو حتى شركة خاصة على أداء ديونها..
لواش؟
باش شركائها أو مقرضيها يعرفوا وضعيتها باش يأخذوا قرار الاقراض وكذلك قرار الاستثمار..المناسب لأنها مخاطرة بفلوسهم.
علاش…؟!
على خاطر المرجع عند المستثمرين الخواص في اتخاذ قرار في الاكتتاب في راس مال شركة مفتوحة للعموم (معناها للمدخرين) هو قدرة الدولة على الوفاء بالتزاماتها..
وعلاش زادة؟
خاطر يعتبروا الدولة أكثر واحد solvable لأن الدول لا يقع تفليسها مثلما يفلس التاجر..
وشنوا المرجع تحديدا؟!
ثمة حاجة اسمها taux spread وهي الفارق بين مردودية قرض رقاعي يشارك فيه اي مدخر (مثلا يكتتب في راس مال شركة التبريد والجعة ولا biat مقابل مردود على فايدة عالمبلغ اللي يكتتب بيه) وبين الفارق اللي تاخذو الدولة على سندات الخزينة (bons de trésor القروض الرقاعية اللي تعملها الدولة) واللي هي اكتتاب sûr( sir حسب ببوشة) يفترض انه ما فيهش مخاطر…
لكن إذا لوحظ ان الاكتتاب في القروض الرقاعية عبر سندات الخزينة هو بيدو فيه مخاطر… الشركات الخاصة ما يكتتب في رأسمالها حتى حد.و. Sfbt ولا الbiat ولا ال stb ولا star مثلا ما تذوق حتى فرنك من المدخرين كي تعمل اكتتاب في emprunt obligataire قرض رقاعي…وتتلز انها تتسلف من البنوك باش تستثمر وتخلق مواطن شغل… علاش..مرة اخرى ؟!
على خاطر إذا الماركانتي الكبير فالس… (الدولة) المدخرين وأصحاب المال ما يبنتروش مع الشركات الخاصة… وهكاكا يولي تمويل المؤسسة الخاصة عن طريق القروض البنكية اكبر من تمويل السوق المالية (اللي هي موش بنوك) عبر الاكتتاب عن طريق القروض الرقاعية… و تعرفو كلفة القرض البنكي أعلى.. وزيد البنك ما يهموش في الشركة تغرق ولا لا.. لأنه ما يدخل في مخاطر الاستثمار… بينما اللي يكتتب في راس مال شركة خاصة أو في قرض رقاعي من الدولة هو إنسان يخاطر بفلوسو…
و تعرفوش نسبة التداين متاع اليابان قداش؟! 250 ٪ من الpib اي نعم.. لكن اليابان أفضل اقتصاد..
علاش؟!
خاطر ديون أغلبها من السوق المالية موش من البنوك وزيد 95 ٪ داخلية.. لأن السوق المالية نشيطة..
هذاكه علاش سي صالح السايل رئيس هيئة السوق المالية مشا لرئيس الدولة… اللي جاوبو قاله ما يدبر علينا حد…وموش فايق اللي المؤسسة هذيكا يفترض انها اهم مؤسسة في البلاد في المرحلة القادمة… خاطرها تخدم على تمويل الاقتصاد من الفلوس اللي أصحابها حاطينها تحت الجراية او يهربوا فيها للخارج أو يشريو بيها في عمارات.. اكهو..