الحبيب عمار عمل انقلاب على بورقيبة على خاطر يحبو....هو صحيح يحبو الى درجة انو كان مكلف من صحابو الهادي البكوش وزين العابدين بن علي و واحد اخر يخدم مقاول باش يقتلوا بورقيبة بكثرة الحب اللي في قلوبهم للزعيم...كلفوه باش يشري السم من الخارج حتى لا يجلب الشكوك ....ويقتلوا بورقيبة بالتدرج موش فرد مرة.....كل يوم نكيتة سم ....
موش انا اللي قلت ...انا لم افعل غير استعراض ما قاله الهادي البكوش...الوزير الاول اثر الانقلاب .....
لكن من كثرة غرامهم ببورقيبة قرروا يقلبوه امنيا وعسكريا ان لزم الامر وموش لازم يقتلوه ويكتفوا بسجنه .... ولذا حطوه في الحبس ...كانوا يتصوروا انو بعد الانقلاب عليه ما يعيشش برشة ...واذا بيه ضرب 13 عاما وهو حي الى ان طلعلهم ارواحهم ....و من كثرة الحب عاش بورقيبة الزعيم طويلا و عذبهم لان العالم يتابع اخباره ويحبوه يعيش مبجل ومكرم .
ولكن العالم لم يكن يدري ما عاناه بورقيبة في سجنه الانعزالي…..قول هو عقاب من الله على ما فعله هو بالملك محمد الامين باي وكافة افراد عائلته بداية من ساعة اعلان الجمهورية الى ان توفي الملك فقيرا معدما.
واللي تعمل تلقى…..
وإذا كان فيكم من يتصور ان المستشار الاول للرئيس نور الدين بن تيشة افضل من العملاق البحري الجلاصي صنيعة الاعلام الجاهل والفاسد وزعيم دعاة الزواج بالبنات المراهقات راهو غالط وما عليه إلا تعديل موقفه …و الموقف عندي هو بكل بساطة ،، لا فرق. ،،