وعلاش سعيد ما ترقبش حكومة المشيشي وعطاها الامر بإقالة الطبيب ووكيل الجمهورية وشخصيات أخرى في مناصب حساسة؟ علاش يعرّض في روحو للانتقادات ويخلي في حكومة مقالة تقيل في وزراء ورؤساء هيئات وشخصيات مرموقة في الدولة؟!
وعلاش ما يعتمدش التدرج ويقوم بعملية مدروسة وينقيها من الشبهات ويخدمها مليح؟ علاش يستعجل ويعتمد البريكولاج في عملياتو وتحسو مزوب ياسر موش شوي؟!
*الجواب موش صعيب للي يتابع بدقة ويراقب في سلوكات الرجل ويرجع لأرشيفو بعمق وتركيز…
سعيد يدرك الي عامل الوقت مهم جدا، والي الأحزاب ماهيش باش طول غفلتها وباش تفيق بيه بدا يمضغ في لحمها.. وقتيتها باش ترد الفعل بقوة وبشكل جماعي وباش طيح يسار حساسيات ومناكفات وصراعات، لاني معارك الأحزاب تدور حول اضعاف الخصم،وابتزازه وارتشاف شعبيته.. ومعركة قيس مع الاحزاب دور حول الاعدام النهائي مع اتلاف الجثة والتعتيم على قبرها.
سعيّد زادة يحب يستغل الفخفاخ الي يبحث عن الحماية اقصى ما يمكن، في حاجة ملحة ليها خاصة وقت يغادر السلطة.. قدملي خدمات نوقف بعد في وجه أي محاسبة ليك ونساعدك باش تعاود عملية الإقلاع المالي مع شركاتك..
سعيد زادة يحب يستعمل حكومة الفخفاخ في الراتيسّاج والتمهيد والتسوية وازاحة العراقيل، باش المشيشي كي يجي يلقى التيران حاضر يدخل طوالي في اقامة مشروع سعيّد.
شنو دخل الطبيب بقيس سعيد!؟
لا عاد لازم نفهموا الي سعيد سخي مع العناصر الي تخدم ليه في مشروعو، لازم يقدم حاجة للفخفاخ وباش يقدم برشا حوايج للمشيشي.. قلنا الاشخاص موش الأحزاب، لانو سعيد يتعامل مع الاحزاب الي تخدم فيه كيما تعامل هتلر مع الي خانوا بلادهم.. قالوا لهتلر من أحقر الناس؟ قال: "أحقر الأشخاص الذين قابلتهم هم هؤلاء الذين ساعدوني على احتلال بلادهم".. فسعيد يحتقر الى حد العظم الأحزاب التي تساعده اليوم على حل نفسها!!!!! وشطب الانتخابات التشريعية والذهاب الى اللجان الشعبية.
قيس سعيد قال "لا انتخابات تشريعية وعصر الأحزاب انتهى" قيس سعيد استقبل مصممة ملابس زوجته في القصر ورفض استقبال رؤساء الأحزاب الكبرى للتشاور حول تشكيل الحكومة، واشترط عليهم إرسال مطالبهم مكتبوبة فأرسلوها أول مرة والقاها في سلة المهملات ثم ارسلوها مرة اخرى فالقاها في المزبلة واختار المشيشي.
قيس سعيد استقبل الدكتاتور عبد الله بن زايد ولم يستقبل الدكتور المنصف المرزوقي!!!!!!!!!!!!!!