شيعـــــــــــــوها وشيــــــــــعتهم....

Photo

قالهم عبيد البريكي اليسار غلط كيف جبد المسالة متاع الميراث وخلّط في حوايج الشعب ما يحبش شكون يخلط فيهم.. وهذاك علاش الشعب جبد على اليمين، برشا قالولوا أي صحيح موش وقتو كانت غلطة.......قلنا فهموا طبيعة الشعب وهاهم باش يتربوا....

جاء أول اختبار في الجنازة، دوروها غناء وتصفيق وتزغريت، وعطوا للنساء تهز النعش، وزادوا عملوا مسيرة ركبت على الجنازة ومايزيش زادوا رددوا شعارات طالبت بشطب آيات الميراث... تزيد معاه شوي وتسالو تقلو انت شنو مشكلتك مع الاسلاميين، يقلك يحبوا يغيروا نمط المجتمع!!!

اليوم 27 سنة في المانيا والله ما شفت جنازة صاخبة، كان الصمت، يلبسوا الاسود، يوقفوا شوي في المقبرة يقدموا العزاء ويروحوا..... العملة هذي متاع الزياط عملوها كان جماعة المطربة صباح، لكن هي على الأقل أوصت قبل رحيلها باش جثمانها يصلوا عليه في الكنيسة، وفعلا صلوا عليها وتقبلت أسرتها العزاء في نفس الكنيسة، كنيسة القديسة تريزة بمنطقة الفياضية.

لعبوا بالثورة.. لعبوا بالانتقال الديمقراطي.. لعبوا بالمقدسات.. لعبوا بوحدة الشعب.. لعبوا بالوطنية.. لعبوا بالفوضى.. لعبوا باستقرار البلاد.. لعبوا بالجنس..لعبوا بالثقافة..لعبوا بالمنظمات الاجتماعية..لعبوا بالطائفية لعبوا بالعنصرية...........

وكيما عادت كل المظاهر الدخيلة على المجتمع، وقت يخيم افلاسها ويحين أجلها ويقرب غروبها، ثم وثم بالتحديد تلعب بآخر اوراقها... تلعب بالموت وحرمة الموت وقداسة الموت... ثم تموت.. هوما شيعوا لينا وهي زادة شيعتهم..

Poster commentaire - أضف تعليقا

أي تعليق مسيء خارجا عن حدود الأخلاق ولا علاقة له بالمقال سيتم حذفه
Tout commentaire injurieux et sans rapport avec l'article sera supprimé.

Commentaires - تعليقات
Pas de commentaires - لا توجد تعليقات