يعدوا في صيد الريم وعصفور سطح، وجابدين ارشيف وزير الثقافة في الاذاعات وجابدين عليه في الجرائد، وينقروا على وتر الخلاعة والايحاءات الجنسية! في بالهم الاسلاميين والا الشعب إلي في أغلبوا محافظ مازالوا ثيران هايجة كيف قبل،
كي طاعون الثقافة حاجتهم بحاجة يلعبوا على وتر الاخلاق والعادات والتقاليد يعملوها كي الكتانة الحمرة الي يصارعوا بيها الثيران، وبعد ما يكملوا خدمتهم يضحكوا علينا مشوار كبير، ويمشوا يكرموا أناثي فيمن وغلمان شمس!!!
تي والله وزير الثقافة كي يكون يعبد في النار في الصباح وفي نصف نهار يعبد في البقر وفي الليل يعدي في الكسكسي بالشراب، إذا نلقوه راجل نوزروه وندعولوا بالهداية، يشفع فيه انو ما هوش خاتم في يديكم، البقية تو ربي يدلوا للطريق…
تي نحن هاك الي قتل 99 رڨبة وقال هل لي من توبة، نسالوه سؤال واحد، شنو رأيك في نخبة بورقيبة وبن علي، كان ڨال الله يسترنا منهم نقولولوا برّا لقد حسن اسلامك، ونشفولوا حتى كاتب دولة يشد بيها يديه علما تفرغ وزارة.
بوصلتنا مع الناس ما عادتش الفوق، هذاكا بينو وبين ربي ، بوصلتنا اليوم "فايق بيكم والا موش فايق بيكم، حاطينو في الجيب والا مطفيكم وعافس على لوبياتكم" اليوم الي يعرف الي انتم أولاد الكلب، يجيب لينا حتى شهادة مدلسة متاع السيزيام تو نوزروه ونكرموه ونزيدوا نوخذوا ليه مرا والذبيحة علينا...ثلاثة اربعة براكيس.. 200 علوش معنّاش..